Cojonatu

Ótia Reguju, ¿estarias calienti cuandu has escritu estu, nu?

Yo acabu de vení de tomala, han siu lalguinas, y la parienta dí que «vengu calienti comu un zorru»

No es pa tantu, digamus que vengu «pintoninu» que no sé mu bién dondi encuadrala en tu clasificación. Esu sí, ma dau pol cantali al Chavi. Comu ya me conoci….

Hasta mañana si vienis, julandrón.

A mí me llevarun, ja unus cuantus de añu, a una boa en Madrid. Mi padri, mi madri y yo. Oho o nueve añinus tendría. Yo había salíu mu poquinu de Garroti. Hasta Cáceres, la cosa fué regulá. Luegu montamus en una viajera y palanti. Era pa finalis de Juliu y jadía un caló que te cagas. Macuerdu que había hasta moscas en el autobus . Me empezarun a entrá unas angustia sin sabel pol qué…la primera bocaná de café migau fué a la jalda de mi madri. La descomposición era tal, que hasta me fuí de vareta. Cuantu mas jadía pol sujetalmi, mas ansias me venian, parecía que me iba a canteá. El niki y las carzoninas nueva que llevaba pa la boa toitu pringau….El chofer paró en un pueblu, no sé si pol que tocaba pará allí, o polque sasustó con semejanti espectaculu. Mi madri, la cutá, me lavó en el vate del bar, y mi padri, el cutau, mosqueau pol la función. Ya no me maree mas, me sentarun pallí atras, pol que la genti temía que aquellu empezara otra vez, y fuí tan ricamenti viendu el paisaji….esu sí, las moscas atrás conmigu.