Inicio » Generales » La Laguna

Cuando fuistes a la playa la 1ª vez?

Garrovillas de Alconétar Foros Generales La Laguna Cuando fuistes a la playa la 1ª vez?

Viendo 7 publicaciones - del 1 al 7 (de un total de 7)
  • Autor
    Publicaciones
  • #402
    ELMAZY
    Miembro

    Pos eso, que aunque no tenga mucho que ver con el pueblo, solo por curiosidad podia la genti animarse y contar la experiencia.Empiezo yo.
    Tendría unos 10 años o pai, y fuimos de Garrovillas,(pa la ultima semana de agosto, despues de las fiestas), a Huelva, Punta Umbria.Esa mña estaba yo con el Javi,(hijo de la Luisa y el Vitoriano), pai pal Cerro, jugando con unos arcos que jidimos y tirandoles a unos gatus;(quien lo iba a decir, que tengu 2 ahora).Había en la casa alboroto, mi padre no dijo na, fue una «sorpresa», pero se notaba ambienti «raro», con el mapa de carreteras encima la mesa y mirando mi padre y el Antonio, la ruta mas apropia. En estas que por correr tras un gato, me cai, con el arco que me da en tou el ojo, que de milagro no lo pierdo,(como los guitos de las acetunas si apretas con los deos, pos igual), se me quea to el ojo colorao por dentro,(derrame), negru por fuera,(del golpi), y la cara blanca,(del sustu).Llego pa casa, llorando como una madalena,(el izquierdo, no veas, a mares), y mi hermanina pai a brincos, ¡¡que nos vamos a la playa!!,¡¡que nos vamos a la playa!!,al rato…¿que te ha pasao en el ojo?, joer tio, que mala pinta tiene..sera joia.Pues esi fue mi viaje, en el R-5, de Garroti pa Huelva, con un pañuelo puesto, llorando, sin poder ver na,(de chicos te jadia ilu ir fisgando tou, por la ventana), ir con mi hermana riendose a ca dos pos tres, la joia se reia por lo de los gatus, que lo tenía bien empleao.Desde entoncis no he levantao la mano a ningun gatinu, probecitos.Perdimos tapa del motor por el camino, paramos en una fuente mu «chula», a comer la tortilla y filetis de lomo, se vei que el agua le cayo mal a mi padri, que estubu mas tiempo en el vati, que en la playa, el cutao.Mi hermanina, mi mairi y yo, no saliamos del charcu, y el oju, a los 4 dias arreglau. Bueno, perdon por el tocho si os ha aburrio, y al que lo haya leio tou, a ver si se anima y escribi tb su viaje,anecdotas y esas cosinas, que esta estu un poco sosinu.Un saludo, paisanos.      

    #101443
    pily
    Miembro

    Yo os voy a contar el viaji que jidimus hasta garrovillas en el prime cochi que se compro mi pairi : un R-11 matricula de SS ( cuandu yo tenia 7 u 8 añinus).
    Faltaban 2 u 3 dias paque mi pairi cogiera las vacacionis de navia, y estaban paqui mi aguelina y mi tia Mari , que no encontraban billeti pa volvel pal pueblu.En estu que cuandu estabamus cenandu va mi pairi y di: ¿que os pareci si nos vamus a pasa las navidadis pal pueblu y asina llevamus a mi mairi y a mi jermanina?, Buuu! aun no habia acabau el hombri de deci la frasi, que ya estabamus nosotras jadiendu las maletas.
    llego el dia de irnus y nos metemus tous en el cochi y antis de sali de la provincia de Barcelona, la Pilita, que empieza:-papa, quea muchu?…mama, cuandu llegamus? y asina hasta llega a Madrid, dondi no se si era porque era la primera ve que ibamus solus o por lo cansina que yo iba, nos perdemus (perdon, «nos despistamus»).y venga da vueltas por Madrid, hasta que va mi mairi y di : mira esi cochi blancu, es matricula de Caceris!!…y toas : pos vamus detras de el….hasta que convencemus al mi pairi ( mas paciencia que un santu, que tien el hombri ) y alli que vamus detras del cochi blancu ; el que giraba, nusotrus detras…que aceleraba…(corri papa, que lo perdemus!!) y asina mas de una hora, hasta que al final, el cochi para en una gasolinera , se abri la puerta del conducto y empieza a bajal un mozu, muuu despacinu ,con las manus levantas y la cara mas blanca que el cochi ondi iba ( y nusotrus con cara de alucine)….mi padri que baja del cochi y empieza a dali explicacionis y el otru que que nu jadia mas que tocalsi el pescuezu y deci : Aqui tengo el pollo que me he comido, madre mia que miedo he pasado, yo miraba el retrovisor y solo veia la matricula de SS y la barba del conductor, asi que me he dicho, me voy a parar en le primera gasolinera que encuentre y que sea lo que Dios quiera……(resulto que el cutainu, era Guardia Civil ,destinau en el Pais Vascu, de vacacionis con un cochi alquilau)…al final cuandu el mozu dejo de tembla (el sustu no se si se le habra pasau entovia), nos llevo hasta la carretera de Extremadura y desdi entoncis cuandu pasu por «la capi» cierru la boca y no vuelvu a deci ni piu……

    #101444
    Wifredo
    Jefe de claves

    Estu que voy a contal le paso a una amiga y su suegra, que es la madri de mi amigu manolu.
    Iban pa Barcelona despues de los torus y ya jartus de kilometros les entro ganas de descansal y asealsi un pocu y en estu que entrarun en un bar de la carretera, ellas fuerun al lavabo y cuandu van a secalsi las manus se encuentran una toalla de estas que se saca de un lau y se recogin por otru, y ellas pensandu que estaba engancha tiran y tiran hasta desenredala toa, peru comu no se soltaba del tambol intentaban cortarla tirandu y ni pa Dios, hasta que ya cogio la aguela y con los piñus se lio a bocaus con la toballa hasta que consiguio cortarla y pol despechu del sacrificiu y el ratu que le habia dau la toballita se la llevarun pal Pra.

    #101445
    nomina
    Participante

    Hola a tous, yo os voy a contar un viaji que hidi desde el Prat hasta Garrovillas en las viajeras de aquella época. Recuerdo que mi familia habia comprau els billetis a otra empresa y era el primer viaji que hadian. Bueno, los cojimus porque el viaji tardaria 14 horinas, pa aquellus tiempus bastante rapidinos ya que mis hermaninos se gomitaban toitos en estus viajis y queriamus llegar prontinu pa ahorrarli disgustus a los muchichinos. El viaji era hasta Plasencia y allí nos cambiabamus a otra viajera que jadia la ruta de Caceris Sur. Buenu, salimus pa yá las doci de la mañanina del Prat y chino chano, pasamus por Zaragoza , pasamus por Madrí, pasamus por Talavera y cuando llegamis a Plasencia sobre las dos de la nochi y teniamus que cambiar de viajera en Plasencia nos dicin que la que teniamus que cojel estaba exchangá. Hala, a visital toa la provincia de Cáceris con mis hermaninus gomitandu tou, con una descomposición tremenda. Bueno, al final llegamus a Garrovillas después de 22 horinas en la carretera, en una viajera sin airi acondicionau y mis hermaninus pa l'arrastri.
    Eso si nos dejarun en la mismita puerta de casa.

    #101446
    nomina
    Participante

    Hola a tous, yo os voy a contar un viaji que hidi desde el Prat hasta Garrovillas en las viajeras de aquella época. Recuerdo que mi familia habia comprau els billetis a otra empresa y era el primer viaji que hadian. Bueno, los cojimus porque el viaji tardaria 14 horinas, pa aquellus tiempus bastante rapidinos ya que mis hermaninos se gomitaban toitos en estus viajis y queriamus llegar prontinu pa ahorrarli disgustus a los muchichinos. El viaji era hasta Plasencia y allí nos cambiabamus a otra viajera que jadia la ruta de Caceris Sur. Buenu, salimus pa yá las doci de la mañanina del Prat y chino chano, pasamus por Zaragoza , pasamus por Madrí, pasamus por Talavera y cuando llegamis a Plasencia sobre las dos de la nochi y teniamus que cambiar de viajera en Plasencia nos dicin que la que teniamus que cojel estaba exchangá. Hala, a visital toa la provincia de Cáceris con mis hermaninus gomitandu tou, con una descomposición tremenda. Bueno, al final llegamus a Garrovillas después de 22 horinas en la carretera, en una viajera sin airi acondicionau y mis hermaninus pa l'arrastri.
    Eso si nos dejarun en la mismita puerta de casa.

    #101447
    pily
    Miembro

    [quote:c7af423960=»pily»]Yo os voy a contar el viaji que jidimus hasta garrovillas en el prime cochi que se compro mi pairi : un R-11 matricula de SS ( cuandu yo tenia 7 u 8 añinus).
    Faltaban 2 u 3 dias paque mi pairi cogiera las vacacionis de navia, y estaban paqui mi aguelina y mi tia Mari , que no encontraban billeti pa volvel pal pueblu.En estu que cuandu estabamus cenandu va mi pairi y di: ¿que os pareci si nos vamus a pasa las navidadis pal pueblu y asina llevamus a mi mairi y a mi jermanina?, Buuu! aun no habia acabau el hombri de deci la frasi, que ya estabamus nosotras jadiendu las maletas.
    llego el dia de irnus y nos metemus tous en el cochi y antis de sali de la provincia de Barcelona, la Pilita, que empieza:-papa, quea muchu?…mama, cuandu llegamus? y asina hasta llega a Madrid, dondi no se si era porque era la primera ve que ibamus solus o por lo cansina que yo iba, nos perdemus (perdon, «nos despistamus»).y venga da vueltas por Madrid, hasta que va mi mairi y di : mira esi cochi blancu, es matricula de Caceris!!…y toas : pos vamus detras de el….hasta que convencemus al mi pairi ( mas paciencia que un santu, que tien el hombri ) y alli que vamus detras del cochi blancu ; el que giraba, nusotrus detras…que aceleraba…(corri papa, que lo perdemus!!) y asina mas de una hora, hasta que al final, el cochi para en una gasolinera , se abri la puerta del conducto y empieza a bajal un mozu, muuu despacinu ,con las manus levantas y la cara mas blanca que el cochi ondi iba ( y nusotrus con cara de alucine)….mi padri que baja del cochi y empieza a dali explicacionis y el otru que que nu jadia mas que tocalsi el pescuezu y deci : Aqui tengo el pollo que me he comido, madre mia que miedo he pasado, yo miraba el retrovisor y solo veia la matricula de SS y la barba del conductor, asi que me he dicho, me voy a parar en le primera gasolinera que encuentre y que sea lo que Dios quiera……(resulto que el cutainu, era Guardia Civil ,destinau en el Pais Vascu, de vacacionis con un cochi alquilau)…al final cuandu el mozu dejo de tembla (el sustu no se si se le habra pasau entovia), nos llevo hasta la carretera de Extremadura y desdi entoncis cuandu pasu por «la capi» cierru la boca y no vuelvu a deci ni piu……[/quote:c7af423960]

    ah! que me he equivocau, que el cochi era un r-12…q el r-11 lo tuvimus despues.

    #101448
    Cojonatu
    Miembro

    A mí me llevarun, ja unus cuantus de añu, a una boa en Madrid. Mi padri, mi madri y yo. Oho o nueve añinus tendría. Yo había salíu mu poquinu de Garroti. Hasta Cáceres, la cosa fué regulá. Luegu montamus en una viajera y palanti. Era pa finalis de Juliu y jadía un caló que te cagas. Macuerdu que había hasta moscas en el autobus . Me empezarun a entrá unas angustia sin sabel pol qué…la primera bocaná de café migau fué a la jalda de mi madri. La descomposición era tal, que hasta me fuí de vareta. Cuantu mas jadía pol sujetalmi, mas ansias me venian, parecía que me iba a canteá. El niki y las carzoninas nueva que llevaba pa la boa toitu pringau….El chofer paró en un pueblu, no sé si pol que tocaba pará allí, o polque sasustó con semejanti espectaculu. Mi madri, la cutá, me lavó en el vate del bar, y mi padri, el cutau, mosqueau pol la función. Ya no me maree mas, me sentarun pallí atras, pol que la genti temía que aquellu empezara otra vez, y fuí tan ricamenti viendu el paisaji….esu sí, las moscas atrás conmigu.

Viendo 7 publicaciones - del 1 al 7 (de un total de 7)
  • Debes estar registrado para responder a este debate.