Y otra suprarrealista

Comiendu pecis se ma clavau una espina en el gañon

y mi aguela ma dau un migajon.

En el techu del albañal una gilandera no para de temblal

y en los gorronis una chicharra deborriza las jolmigas,

pol la yelva pal jolmigueru se la llevan.

Al pollu de la merendilla le han saliu gusanus

sacuilus que en cuantis lleguemus al tinau nos lo zampamus.

Si nos hubieramus traiu la segureja jademus ciscu la puerta vieja