Y estu se le puei llamal poesia garrovillana?

Las Giras ahora se llaman Almendru por las almendras….

Pol la mañana mu de templanu

prontitu en la praza con el vasu en la manu

entre perronillas y cagajonis

vasinu de aguardienti sin contemplacionis.

En el caminu pa la pelona

algunu del grupu se echa una copla

con esti airitu tan puru, tan limpiu

y entre los almendrus ehtamus en la gloria.

Ya a las once picandu picandu

por los chiringuitus vamus calentandu,

vinitu del buenu, morengas y magru

al mediu dia ehtamus llegandu.

Ahora con las berzas

llenar el monagu

que aguantan la almendra

que ehtaba cuajandu.

Entre pechu y espalda

boferu , morcillas

chorizu de güesu y

el esquilon de un buchi

vamus apretandu.

Con el cafelinu vamus dehpejandu

jadiendu caminu pa otru copazu.

copazu y copazu ya ehtamus cantandu

cantandu y cantandu ya ehtamus bailandu.

La orquesta Boleru

nos ehtan animandu

bailandu y bailandu

Bailandu y bailandu hasta derringalnus

Ya por la tardi por el caminu

jadiendu esis, con los amigus

riyendu y palrandu

nos vamus echandu

cuentas pa otru añu.