Inicio » Generales » La Laguna » DESDE NUESTROS FOROS A "PINOMOSQUITO"

Tienis razón pinomohquitu

#102770
CAT
Miembro

Me he tomau un tiempu para ehcribirti pinomosquitu esperandu acontecimientus. No polque esperara que te jiecierah patrás y no abandanarah loh foruh, decisión que rehpetu polque yo tamién te consideru pelsona mu cabal y tienis que tenela bien meditá.
Esti tiempu me ha selbiu pa comprobal que tienis razón. Que en los forus han habiu y hay una serie de cobardis que, no es que enmascarin el su nombri con un nick, ¡¡sino que enmascaran hasta su propiu nick con otru abiertu pa la ocasión!!. Atacan, provocan, ensultan y aluego juyin. Hoy aparecin como lentejina , pa salil mañana como habichuelina y pasau como…….galbancinu, pol ponel un ejemplu.
Tu que clasi de pelsonaliá y que razón creis que puean tenel tous esus cabrehtuh que ni en el anonimatu no se atrevin a sostenel y defendel lo que dicin.
Como creis si no que poamos estal casi mil usuarius registraus y yo la veh que más genti he contau que estaban conectás han siu dieh pelsonas y en los forus los habitualis pa tous los temas seamus cuatru mal contaus.
Como creis que en el jilu de la “TOMA DE POSESION” haigan habiu 52 entrás jechas namás pol 8 pelsonsas de las cualis 3 han entrau solu a dehcalifical y a probocal.
Asina no es comu “se enriqueci lo nuehtru” como dici Teo48.
En definitiva yo tamién voy a encontral a faltal las tus intelvencionis, no solu pol el su conteniu, si no pol loh razonamientus con que se caraterizaban.
Peru tamién piensu quealmi pol aquí pa il “atendiendu” a tous esus finfanus que vienin a aposalsi a los forus, pican y aluego se ehcambullin.
Que tengas suerti y te despiu con esta frasi:

Aquél que obtiene una victoria sobre otro hombre es fuerte, pero quien obtiene una victoria sobre sí mismo es poderoso.
– Lao-tse

Noticias
Fotos
Menú
Foros
Idiosincrasia