#105220
balbanchu
Participante

Siendu asina, en que el pericuchu guarda la maquinaria del reló, esti debería seguil siendu tamien posteriol a la costrución original de la torri, polque en angunas catedralis alla pol el añu 1300 si que se instalaban relojis que funcionaban con pesas, peru relojis de pendulo los cualis jadin medianti las oscilacionis tocal las campanas meyanti la su maquinaria creu que se invento en el 1657.

Yo creu que pudiera sel que la costrución original,  sea mas o menus comu las otras iglesia de la zona(sin pericuchu), velei la de Navas o Casal de cazris, polque ahora mesmu que yo recueldi, solo he vistu una torri igual d'aparecia i es la de la iglesia de Santiagu en Cazris; y estariamus anti la mesma pregunta, la torri de Santiagu fue asina en el su comienzu o el pericuchu fue posteriol,…no sé, ca vez se me ja mas grandi la curiosiá aunque no sea pol una cosa mu impoltanti, peru me gustaria saberlu.

Un saludu a toitus paisanus.