dicis tu de mili…

Lamentu muchu habel causau tanta crispacion con mi comentariu, especialmenti por parti de Wifredo que a sacau a relucil su parti mas negativa actuandu de folma tan chulesca y desafianti como lo a jechu. No le guardu ningun rencol y al contrariu, pueu hasta entendelu. Dichu estu me gustaria hacel algunas aclaracionis:

En primel lugal quieru reafilmalmi en mi comentariu, en el cual no encuentru ni el mas minimu indiciu de agravius, descalificacionis  o menospreciu a naidi , pues lo  unicu que pretendia era sacal a relucil esu que ya tous sabemus y es que si al PSOE le da pol ponel en una candidatura de numeru unu a la cabra de la legión esta saldria elegia pa alcaldesa, y luegu pasa lo que pasa, y lo que pasa es que pelsonas que deberían estal desempeñandu funcionis pa lo cual se han preparau (camarerus, amas de casa, albañilis, dependientis, curritus de fabrica, electricistas…. y mil ocupacionis mas, dignísimas toas) esten dirigiendu los designius de toa una comunidad con el resultau que tous los dias podemus vel pol ejemplu en nuestru pueblu, crispacion, y mas crispacion .

El pueblu es soberanu y es libri de elegil a sus representantis, de acuerdu, peru  pol esu cada pueblu o cumunidad tienin y vivin comu se merecin.

Siempri hai una excepcion que confilma la regla y quieru aprovechal pa dali mi particulal homenaji al Primel Alcaldi dispués de la nueva democracia, D. Jose Garcia, que aunque sin estudius era sin duda ideal pa ocupal esi puestu, en una democracia recien estrena, donde hacia falta experiencia, pol sus conocimientus politicus y habel defendiu hasta con el riesgu de su vida y la de su familia sus principius politicus y moralis. Y llegaus a esti puntu es cuandu creu hai que convenil que estu no tien na que vel, con lo que vinu dispue.

En segundu lugal me gustaria pedil publicamenti disculpas a Perry, pol habelu metiu en el aju, y aunque mi intención era dale un tironinu de oreja pol poeli mas el corazon(sel palcial) a la hora de tocal algunus temas en las infolmaciones, lo ciertu es que igual me e pasau. Animu a Perry, Wifredo y el restu de los que jadin estu a que nos sepan sobrilleval.

En tercel y ultimu lugal, y aunque no tenia que molestalmi siquiera, voy a jadel referencia al salva1 esti,  amigu de los amus del cortiju, prototipu, de estus seudusocialistas, que en realidad son mas bien sociolistus, en el casu particulal de el, ademas, con interes especial en que tou el mundu lo reconozca comu un ultrapatriota garrovillanu dispuestu a moril pol su pueblu, vamus, en difinitiva demagogia barata, pa decili que las puñalas pol la espalda, las dan los trepas que cuandu llegan a ostental calgus y responsabilidadis actuan comu los fascistas de antañu , tantu material comu moralmenti.

¡Ahora vas y lo cascas! ¡sus vi a crujil vivus!