Inicio » Generales » La Laguna

….oju con el vinu

Garrovillas de Alconétar Foros Generales La Laguna ….oju con el vinu

Viendo 3 publicaciones - del 1 al 3 (de un total de 3)
  • Autor
    Publicaciones
  • #8296
    Reguju
    Miembro

    …de buena fuenti, me contarun el otru día en Garroti, que casi con toa seguriá,  haiga controlis de alcoholémia en el  Almendru…….Asina, que al loru…

    …Se cogi unu una celvecina "sin",  que parecin lavativas, se subi a una peña, se comi las verzas y pal pueblu…mas chulu y mas derechu que un juncu….que pa esu es lunis alotru día…….o nos vamus en burru…que mu fuerti no puei sel la caía…… a mí, se me abrin los gañonis, y soy capá de bebelmi el ríu Taju……siempri me queará la parienta…..mosqueá, peru buenu…

    ¡…si no nos gustara tantu..!

    …pallí nos veremus

    #102898
    CAT
    Miembro

    Amigu reguju: 

    Yo tengu una solución pa esas circunstancias que a vecis pongu en prática.

    Se requiel una suegra y un muchichinu. Consisti en que tu te pasis la fiesta a tu airi, alpihteandoti lo que jaga farta.A puntinu de ilti pa casa le jarreas una copina de anís a la suegra y otra al muchichinu. 

    Si te paran los cevilis y te jacin soplal pol el pitorrinu tu tranquilu, seguramenti dará positivu. Entoncis es cuandu tieneis que decili al cevil que el aparatinu está changau, que tu no has catau ni gota, y que si no te crei que le jaga soplal a la suegra y al chiquinu. 

    Si el guardia lo já ya esta perdíu, polque con la copina de anís que le habías endiñau al salil tamién van a dal positivu.

    Ahora vieni cuandu tienis que mostralti pocu legüereta y más naturá y icili al guardia: “ Si no se lo crei, sopli usté señol guardia”. Comu no va a tenel cojonis de jacelu pol si las moscas:  ……Circuli, circuli.

    Esti trucu no es infalibli. A mi la última veh no me salió bien polque se chivató la parienta. Otru factol importanti es la colaboración de la suegra. La mía coopera de cojonis, no le ja farta copina de anís polque se jinca media botellina de “ agua del carmen” dis que pal mareu y por lo vistu de esu tamién se cohca la maquinina.

    Otru remeidiu, menus recomendabli, es remohtalti con una cagaluta de vaca. Entoncis si ta paran al abril la ventanilla y salil tou el hedol……circuli, circuli. 

    Pa lo que no tengu remeidiu es pa la parienta, maestro. A mi ca veh me cain lo menuh quinci diah de presentin almas…..sin catalu. 

    Que tengas suerti y que paseis un buen día. Un abrazu   

    #102899
    Reguju
    Miembro

    …ya tengu el operativu en marcha, CAT

    le dichu a la parienta que echi una del monu, que tengu paquí a media, paque la suegra y mi madri, se enjuaguin un poquinu la boca antis de salí…..l

    los muchachus, tamién estan preparaus…los míus y algún arrimau…y tamién he colocau en el cochi unus cedés de cuandu yo moceaba, de Los Chichos y los Chunguitos…a lo mejó cuela, con el cochi hasta el palu y el gitaneu…

    …el lunes te lo cuentu…,otru abrazu pa ti, canalla.

Viendo 3 publicaciones - del 1 al 3 (de un total de 3)
  • Debes estar registrado para responder a este debate.