Divagacionis tomandu las once en Garroti…….

dice: ….Era un día de estus de navidad..estábamus Cojonatu, mi amigu Chavi y yo…ya me imaginaba que con esti par de pollus iban a ser lalgas…

Cuandu la cosa estaba ya un poquinu nublá salta Cojonatu:
«joé, man dichu que van a cortar los ocálitus de La Caseta….»
Le dí el Chavi » eucaliptus, se pronuncia e u c a l i p t u s…»
«Me dá lo mismu Chavi, peru esus fregaus que nos hemus dau pallí arriba, que ni sentíamus la pelona que estaba cayendu… y esa puertina, pintaína, diseñaina con los pincelis de los mejoris mozus…»
Le digu yo » anda nostalgicu, que los muchachus ya tienin cochi…»
«Peru no es lo mismu…los pantalonis en los calcañalis…que vién genti…pantalonis parriba….mas calienti que el rabu de un cazu….pantalonis pabaju…que vién un cochi….pantalonis parriba…venga a empujá contra el quiciu…ondi va a pará….al día siguienti me decía mi madri ¿dondi coño te estuvistis revolcandu anochi que tienis los pantalonis llenu de mierda?… ondi va a pará»

No me queó mas remediu que dali la razón….la tenía el mu cabrón.

Nos vemus en Sanantón Benditu..