Inicio » Generales » La Laguna

..de primeru, guevus estrellaus

Garrovillas de Alconétar Foros Generales La Laguna ..de primeru, guevus estrellaus

Viendo 2 publicaciones - del 1 al 2 (de un total de 2)
  • Autor
    Publicaciones
  • #12446
    Reguju
    Miembro

    …y de segundu, cigüeñinus en su jugu, regau con vinu peleón y adornaus con yelba lobera y una pizquina de tomillu sanseru…

    …esti fué el menú que ideamus el otru día  tomandu las once…

    …Llega un momentu, que a la genti se le vá la olla…..

    …Dí Gudiñu, que pa que sea exquisitu, es mu importanti correl detrás del cigüeñu hasta que se cansi….asina  consiguis dos objetivus:  el primeru, quel bichu quemi las grasas…y el segundu objetivu, pos que tentra una  jambri con la suá que te metis, que te comis lo que te echin…….

    …Al Chavi, dis que no le gustan los cigüeñus…

    …Cojonatu, le dí que él que se  lo pierdi ….dis que tienin una carni mu fina, mu fina……..peru que si tién que elegí, se quea con una entomatá de albejarucus….

    ….No macuerdu quién diju, que comu tenía la boca ya mu calienti, se confolmaba con un tomati rajau…. 

    ….que aprovechi

    #104883
    Dotoljoskin
    Participante

    Tordus, pardalis, lagartus y hasta un cigüeñu, mi amigu Martin y yo cazandu pa sacal un duru pa compral un paqueti de celtas cortus. Estabamus en la calleja detras del cine de veranu planeandu comu colalnus, que esa nochi echaban la de Rocha el hijo de Sanson y en estu que por el portillu del güertu de cagal vimus asomalsi el cigüeñu, y sin chistal nos jidimus una seña, cogimus los arcus y las flechas de las barillas de paraguas y comu los masais, pegaus a la pare nos fuimus hasta el portillu y alli que estaba el cigüeñu picoteandu una pitorra llena de gusanus, no me dio tiempu de ehtirajal la cuerda cuandu veu una gallina con una flecha clava corriendu por el güertu, le habia endiñau el colega, en estu que aparecio la mujel buscandu la gallina, chillandu,  salvajis, cafris me vais a pagal la gallina, nos tenias que habel vistu comu saltabamus las parelis sin rozal, salimus corriendu pol los guertus, callejas y albañalis comu una esalación.

    El cigüeñu los cazamus despues de siesta y nos costo muchu trabaju pol lo duru que estaba y las flechas de las barillas de los paraguas pol mas que las afilabamus no se pinchaban, (ya te lo contare mas despaciu que no tien ningun desperdiciu) l despues lo que cazabamus los vendiamus a los baris, los pardalis a dos ralis y los tordus a peseta, el cigüeñu se lo regalamus a cojonatu pal segundu platu.

    que aprovechi

Viendo 2 publicaciones - del 1 al 2 (de un total de 2)
  • Debes estar registrado para responder a este debate.