Y no es que sea yo tan vieju..Peru me gustaba a mí aquellu de il a partí….(Se trataba de cuandu dos mozas bailaban entre ellas, nos acercábamus dos tíus, pa mí la de esti lau y pa tí la otra, y ca unu bailaba con una) No me refieru a los guatequis famosus, no…Estu era en la disco…Y cuantu mas chulu era tu colega, pos mas exitu se poía tené…Era curiosu, polque tu colega de baili, con frecuencia era un conocíu, no un amigu, o sea, solu te juntabas con el, a la hora del liu…Reguju puei dal fé……..Aquel discu de Juan Pardo que se titulaba «»La Charanga» que duraba pol lo menus 10 minutus…. le daba tiempu a unu a meteli el jocicu en el pescuezu a la moza…si no era mu recia, claru. A mí, una vé, se me lió el pelu de la moza, con el chicli que estaba mascandu….que ratu mas malu. Otru día, cuandu mas atareau estaba, me vinu una apretura, que tuvi que salí corriendu pol que me iba por el terciu de vara………..
Total, que salía unu mas calienti quel rabu de un cazu….
Luegu se encendian la lucis y sonaba «Rasputín» de Bonney M, y nos íbamus a la barra a echá una copina y a contalnus hasta dondi se había dejau meté la rodilla la guapa……
Eran buenus tiempus…