…pal turista curiosu

A mí, lugareñu a mucha honra, y criau mu celca de la calli que mienta, en mi ignorancia, nunca se ma ocurríu preguntal pol esi hombri….Seguramenti ha síu, polque a dicha calli, bién derecha y un pocu empiná, pol alguna extraña razón, los habitantis de Garroti, renegarun de llamala de esa folma….Sienpri fué la Calli Mendi….Puéi sel, que esti señol Mendoza, o rufián, agateara la cuesta, embozau en capa oscura, en nochi entovía mas oscura, mirandu de reoju, pol si aparecía el maríu de una dama ligerina de cascus que cortejaba….Peru estu son imaginacionis mías…y lamentu muchu, inquietu paseanti, no poel ayuali con datus históricus….prometu, con las nuevas tecnologías, averiguá algu de esti valienti, supongu, capitan.

No deji usté de vení a velnus con frecuencia….barruntu que sabi apreciá la historia de estus rinconis….

…que le vaya bien..