Sibarita

?A mi n’amas me gusta

que dali gustu al cuerpo!

Si yo juera bien rico

jacia n’amas esu;

jechalme güenas siestas

embajo de los fresnos;

jaltalmi de gaspachos

con güenus fritis

con bolas y pimientos;

melcal un buen caballo;

tenel un jolnalero

que to me lo jiciera

pa estalmi yo bien quieto,

andal bien jateao,

jechal ca instanti medio,

fumal de nuevi perras

y andalmi de paseo

lo mesmo que los curas,

lo mesmo que los médicos…

Si yo juera bien rico

jacia n’amas eso.

?Qe a mi n’amas me gusta

que dali gustu al cuerpo!

GABRIEL Y GALAN