Mantente siempre al día con las últimas novedades de Garrovillas de Alconétar y accede al catálogo completo de fotografías en Alkonetara.

¡Explora, conecta y disfruta de nuestra rica historia visual!
Inicio » Generales » La Laguna » Volviendo al analisis etimológico

Y más

#107142
saavedra
Superadministrador

Pues si amigo salva1 tienis razón y seguro que la diferenica con fraili por ejemplu es que (yo no lo se)seguro que su folma de habral perteneci a otra zona de Extremaura, por ejemplo la palabra que elusa «paeris) en garrovillanu sería parelis» y cuando se limpiaba la facha -normalmenti con cal- se decía blanqueal, en otros lugares tambien se usa el terminu encalal o enjalbegal. Referenti a los bolis habia unos que eran los mejoris y los mas karinus que se decia que eran de china tantu por su aspectu comu pol lo duru que eran.

Y otra variante de los colchonis eran los de borra, una especie de lana de baja calidad que habia que kincholeanlus casi to los días anti de jadel la cama, y en la mayoría de las casas había un palu pa esi menestel polque sino se queaba el joyu en el medio. Me imaginu que por la mayoría de los pueblus de Extremaura se pasaba un señol que le llamaban el «laneru» y su oficiu consistia en dejadel el conchon, ponel la lana en una manta en la puerta de la casha y a bashi de golpis con una vara conseguia que la lana se despelotonara y mientra la mujel de la casa lavaba la funda del colchón y cuando tuitu el trabaju estaba jechu se volvia a metel la lana en la funda y parecia que estrenabas unu nuevu.

Algún día deberiamus jadel una relación (si no se ha jechu ya) de los juegus de la infancia, que seguru que los berringallotis de ahora no conocin ni la metá y al jilu de esta palabra había uno que se llamaba jugal a la meta. ¿os acordais? consistia en la época del otoñu cuandu se caian las hojas de los albulis (acacias) de la laguna (y pongo laguna en minusculas porque es comu se le conoci popularmenti, aunque su nombri es Plaza de Colón) y se jadian unas especie de carreterinas con muchus bericuetus y habia que conseguil llegal el primero al final -o sea a la meta- y tou esu con los platillus de las botellas de cerveza el gavilan entre otras. ¿y aquel otru que cuandu había obra en alguna casa y keaban la tierra en la callí se jadian cuevas con las manus?  metias una en la tierra y con la otra ibas dandu golpis hasta que conseguias sacar la que estaba dentru y jadel una cueva y mientras golpeabas ibas diciendu «tapa-tapa-» y por esu le llamabus el tapa-tapa, o cuandu llovía y corrian los regatus se jadian pasaeras, un buen sitiu era la plazuela del cuartel de la Guardia Civil, y luegu ¡ala a metelsi con las botas katiuskas en los chalcus!.

Buenu de momentu ya tengu bastanti por hoy con jadel un repasu de algunas añoranzas, otru día hablamus de otras cosas, por ejempru de «las baterías»

salud,

Mantente siempre al día con las últimas novedades de Garrovillas de Alconétar y accede al catálogo completo de fotografías en Alkonetara.

¡Explora, conecta y disfruta de nuestra rica historia visual!