#102554
Reguju
Miembro

…está animau estu de cojonis, peru mejó si no insultais.

..La mi mairi tién 82 abrilis, no sabi ni jadé la «o» con un canutu (aunque ja unus cuantus de añus, cuandu me compré un 127 de cuarta manu, me filmó en las letras con un garabatu) y cuandu llegan los votus, me pón toas las listas delanti y me dí «¿estus quién son..»? ….»¿y estus otrus..?»
…y yo, pos se los leu….

Luegu, ella ja lo que quiel, pol supuestu….

Dichu estu, resulta que en las últimas eleccionis, menteru por tercerus, que la habian llevau a votá en un cochi….. y comu no me gustó ni un pelu, se lo pregunté….me diju que sí….que avati había echau la tranca y el cerroju de casa y «casualmenti» un cochi que pasaba la invitó a subir…. y aunque entovía tién las patinas mu desenreá, pos se subió….me diju quién, peru ya no macuerdu quién iba en el cochi…desde luegu, no le insinuarun naita del sobri que ella llevaba en la faldiquera…y me aseguró que un viaji en cochi, es mu pocu pa jadela cambiá de opinión… ella lo consideró comu un favó.

…Ya le diji, que pol si acasu, pa la proxima, la llevu yo…

…Solu quieru decil, que sel vieju y analfabetu, en estus de los votus, no es sinónimu de tontu…

queal con dios