VAIGAMUS P’ALANTI

Quieru sel el primeru, pol lo que a mi palti toca, de dalti y darus toitu l’apoyu pa poel tiral l’estremeñu p’alanti d’una vez pol toas. Bien es cieltu, que andamus toitus esparramaus y ca unu en los sus menesteris, peru habel si en poniendumus d’acueldu, con un poquinu d’olganización, yo pol lo menus y creu que  muchus de los mi paisanus d’aqui de la pagina tamién, poemus jadel que estu en vei de cuatru sea d’una buena piña y daili el airi al estremeñu que dende tiempu, y muchu ja, vien necesitandu pa no desaparecel.Yo tenia la idea de poal pasal a la pagina las nolmas d’oltografia de l’estremeñu sacás en la pagina de «belsana» que aninatis corría pola redi;peru en pudiendulu consultal toitus en «cuyupaneharras.blogspot.com» se me quita una espinina clavá nel corazon de algu que tenia que habel intentau pasal de los alchivus que tengu ya ja tiempu. Lo dichu, p’alanti y poeis contal con tou el mi apoyu. Un abrazu mu grandi paisanus y

bien contentu y tranquilu me queu de sabel que semus unus cuantis más lo que compaltimus esti bellu sentimientu de algu propiu, y nuestru mu nuestru. No dejemus que se muera aunque bien malinu estei. En la nuestra manu esta o mejol dichu en la nuestra boca.