Inicio » Generales » El político » Al Sahtri

Por alusionis

#102751
sahtri
Miembro

Chacho, mira que es dicifi no reñi contigu!!!
No me busquis segundas intencionis, que no las hay, joe!!!
Pa mi son igualis en dignidad toas las personas, vivan dondi vivan y hayan naciu dondi sea, en Garrovillas o en Pekin de las monas.

¿Ha queau claru?

Te pregunte, que pa ti, por tu edad, que te habia pareciu mas duru, irsi o quearsi.

Me constestastis con la depresión que sufrio el pueblu tras las obras del saltu de Alcantara, y comu desde finalis de los 60, hemus perdiu población hasta ahora.
Vamus, que no me contestatis que habia siu mas duru a tu juiciu.

Mi padri emigro. Tras 2 añus en San Baudiliu (hoy San Boy), se vinu al poblau de los alemanis, a los puentis y al Saltu de Alcantara, y cuandu se acabo, decidio quearsi, y montal un pequeñu comerciu, con el que saco palanti a la familia.

Y fue duru. Se trabajo muchu, y se aguanto a algún tontu de los que presumian de perras en el veranu. Y comu él, he vistu a Chapín, o a Candidu con las vacas lecheras, o a Jose el Carniceru, y a otrus muchus.

He asistiu a varius homenajis a los emigrantis, algunu hasta lo he organizau yo, y siempri me han pareciu oportunus y merecidisimus, porque creu que dejal tu tierra pa irti a trabajal, con riesgu de dasarraigu, tien que sel mu joiu, y gracias a que unus se fuerun hubu pan pa repartir entre los pocus que se quearun, porque pa tos no habia.

Peru esu no quita pa que yo crea que los que se quearun tambien tienin su meritu.

Tu que siempri dicis que no te contestan a las preguntas directas, contestami a esta: ¿te pareci que los hombris y mujeris que en los 60 decidierun quearsi se merecin un homenaji por aguantal lo que aguantarun?

Insistu, no me busquis doblez que no la tengu.

En cuantu al psicoanalisis, que si, que me equivocu muchu, que tendre algun compleju (comu la mayoria), que no soy perfectu y que ni ganas dan de serlu si esu significa sentirsi siempri atacau.

Un sinceru deseu de felicidad pal próximu añu.
Besus y abrazus.