#104135
balbanchu
Participante

El trabaju que esta jadiendu fraili y los suyus, ja que ca día los admiri más. Pical aquí habel que os paji, http://www.estremaweb.es/web/Noticias.html , unus poquinus y estan consiguiendu tiral estu p'alanti. Jamus a animalnus y a dail.lis un capoti pa ayual en tou lo que mos sea posibli. Se que hay genti que no s'identifica con la jolma d'escribil que tien fraili, buenu, solu decirus que es nolmal, que se esta nolmalizandu la palra, y que posiblimenti si lo escucharais en vez de leel.lu, os identificaria muchu mas. Tamién pensal que pol esa mesma regla de tres, enel euskera, unu de vitoria no se identificaria con unu de guipuzcoa o con unu de bilbau, ca unu tien su moalia, peru lo unierun pa jadel el BATUA, polque de caseríu a caseríu no se entendian de lo deferenti que era el vascu. En cataluña pasa lo mesmu, con los gallegus igual, tamién el bable, y pol supuestu con el castellanu,¿ polque el estandal correctu es el de valladolid y no el de soria?, se jidu asín en su día y entre mesmas comunidadis castellanas, unu se puéi sentilsi mas identificau con la parti de segovia que con otru que sea de zamora. Y no creu que telminemus palrandu en bable, aunque bien pudiera esistil tal posibilía, polque es lo que mas mos influyo historicamenti. Un abrazu pa toitus y vamus ayual aquel que tenga esti sentimientu tan nuestru, a que no s'apagi la minaria de lo que poía sel el resulgimientu de la nuestra identidá, del rencuentru con la nuestra historia, de mantenel viva la palra de los nuestrus agüelus. Un saludu.