#103507
balbanchu
Participante

Gracias pol apoyal la idea y pol proponelmi pa lleval a cabu la empresa. En cuantu a lo de la s de casa o cosa, etc.. decirus que en' el catalan les pasa lo mesmu. Ellus lo llaman s sonora y s sorda. Pa la sonora como es el casu (d'esta mesma palabra que acabu d' escrebil) o comu cosa, etc.. ellus la representan con una sola s. En las palabras que la nuestra s no suena comu es el casu de pasal, ellus la escribin o la representan con dos s seguias, es decil seria passal. peru claru tampocu tenemus el polque copialmus.

Aninantis habia en la redi una revista que se llamaba "belsana".  Ellus jidierun una proposición d´ortografía y gramática, baju la visión de la "corrobla Aleju Gomi Brozcanu, pola defensa de los palraris estremeñus".

Yo tengu tou estu emprimui y archivau, me lo leeré habel si pon anguna cosa, tamién creu se puéi encotral algu en la nueva revista "universo extremeño".

De toitas maneras una folma de representación poía sel

ponel una dieresis ancima de la s, Peru claru es una cosa que el ordenaol pol defehtu no mos deja jadel polque sali asina ¨s , con la dieresis antis.

Algu encontraremus o averiguaremus con licenciaus de gramática que un dia se metierun en la corrobla anteriolmenti mencioná y mos podran asesoral mejol. Ellus pola defensa de los palraris estremeñus jidierun un gran trabaju.

Gracias otra vez pol l´apoyu y contal conmigu. Saludus paisan@s.