Mantente siempre al día con las últimas novedades de Garrovillas de Alconétar y accede al catálogo completo de fotografías en Alkonetara.

¡Explora, conecta y disfruta de nuestra rica historia visual!
Inicio » Generales » El político » concejales.com

Desde Garroti con amol

Garrovillas de Alconétar Foros Generales El político concejales.com Desde Garroti con amol

#100873
Anónimo
Invitado

Me paji que los unicus requisitos que se pidin pa participal en esti foru es respetu hacia los demas. E de decilti «PAJARITU» que no voy a dejal de palral en garrovillanu, castuu o comu quieras decilli a comu nos expresamus en Garroti. No voy a renuncial a esa manera de dicil las cosas que le escuchau a mis aguelus y a mis padris y que no dudis que van a escuchar mis hijus, no voy a perdel la ocasion de procamal esti dialectu a los cuatru vientus y muchu menus en una pagina de interne que esta jecha pol garrovillanus y pa los garrovillanus. Me estraña muchu que tengas el valol de renegal de un modu de habla que mos identifica en cualquiel lau al que vamus.

Quiel decil esu que, con tous mis respetus a tiu leopoldu, poemus cogel a un paisanu y sacali tous los trapus sucius y decil de ellus estu y lo de mas alla y no mos poemus entretenelnus a leel un parecel en nuestra palra aunque mos cuesti un poquinu mas entendelu?

Pol cieltu viendu el primel mensaji que encabeza esta retajila, podriamus seguil diciendu nombris de paisanus y ponerlus igualmenti a caldu. Un saluu pa toitus…eeeuuuuu

Mantente siempre al día con las últimas novedades de Garrovillas de Alconétar y accede al catálogo completo de fotografías en Alkonetara.

¡Explora, conecta y disfruta de nuestra rica historia visual!