#102872
dalí
Miembro

Señol Guevara:
Rehpetu la su opinión pol bien algumentá peru, bien ciertu eh, que no la compartu pol el su conteníu.
Si queremus jugal al juegu de la democracia debemus jugali con toas las reglas endi el enceti. La su bandera fue la constitucioná hasta que dejó de serlu. Posteriormenti y siguiendu las normah del juegu se elehió otra que eh la que tenemuh. Mos guhtará o no, peru pol fabol no diga uhtél que no ehtá instaurá democraticamenti.
Rehpondami uhtél a lah preguntah siguienti: ¿ Polqué cuando lah sublebacionih lah haci la izquielda son rebolucionih del pueblu y cuandu las haci la derecha son golpih d’estau? ¿Polqué loh asesinatuh cometíuh se endeferencian dependiendu del bandu que loh cometi?
¿Polqué tou lo que pasa con loh gobiernuh de izquielda son “desgraciadas catástrofes” (muertos incendio Guadalajara, Incendios Galicia y posteriores inundaciones, hundimiento barrio el Carmel en Barcelona, muertos en pateras, atentado T-4, naufragio del Sierra Nevada…etc) y tou lo que aconteza con la derecha son “negligencias y falta de previsión”.
El mehmu mieu que ha metiu siempri la iglesia con el demoniu y el infielnu, eh el que meti la izquielda con el PP. Acohonaban a loh agüelinus diciéndulih que si el PP ganaba la elecionih leh quitarían las pagah. Acohonaban al públicu en general que si gobelnaba el PP privatizarían toas lah empresah públicah encluyendu la S. Social. Que golberíamus a loh tiempuh del ditadol. ¿ y en que queó tou?.
¿Comu se juhtificaría ZP y la su caterba si no tubieran al PP pa hechali la curpa de tou lo mal que lo ehtán haciendu?.

En lo referenti a lah bandah terrorihtah se ha olbidau ( creu que habrá siu un dehcuiu) mental a las Brigadas Rojas, que fuerun aniquiláh por la presión del gobiernu dendi que asesinarun a Aldo Moro. Se ha endehcuidiau uhtél a los GRAPO. Se ha endehcuidiau a TERRA LLIURE y lo máh impoltanti se ha endehcuidiau a los GAL, que fuerun derrotaus por lah pruebah aportáh por el perióicu EL Mundo.
No me compari uhtél las FARC que son guerrillas marxista-leninistas y loh iluminaus ihlamihtah con ETA. ¿ Que quiel ETA y en basi de qué?¿ Que ideología tien ETA? ¿ No creis tu que son unus fahcihtah de andal pol casa?
En cuantu a lo de la ehtória, ehtoy mu dacuerdu contigu. Bamuh a dehtapala, peru completa. Bamus a miral tou lo aconteciu en el periou dehdi la “pepa” a la ahtuál conhtitución, que eh que mucha genti no sabi que ehta eh la nubena cohtitución. Bamus a dehtapal el empoltanti periou dehdi el 34 al 36. Bamuh a dehtapal quien fue el que quisu dal el primel lebantamientu. ¿ O esu no impolta?
Pa acabal me guhtaría recomendalti dos buenas penículas,…. si entabía no lah ah bihtu. La una se entitula “ El viento que agita la cebada” eh referenti a la folmación del IRA. La segundera eh “ la ciudad perdida”, lo que era Cuba con Fulgencio Batista y en que ha queau.
…reciba un salúu, comandanti. Me guhtaba mah uhtél con la capa.