.....anochi, creu, que me queé con el culu al airi.......tengu mas mocus que una pava enfelma........mi madri me dí, que ya de chiquininu, me limpiaba los mocus en la manga del jelsé............já tiempu, me diju el amigu saavedra, que lo mejó, es suól de pechu ajenu......le voy a tirá los tejus a alguna amiguina irternauta pol si se quiél refregá un poquinu.............toítu sea, que el remediu, sea peol que la enfermeá... a vé si acasu.......buffff...un abrazu.
Wifredo
12/11/2011 19:31
Polque no me diarah que estuvistis cogiendu ranas con el trapu colorau y cuandu acabastis se te olvio tapalti. Y ahora a seguil los consejus de los amigus pa que paguin las amiguinas, a vel si te vas a queal entallau entre peña y peña y te axifisis.
saavedra
12/11/2011 20:49
Vamus a vel Reguju lo de los suoris de pechu ajenu es buenu peru tienis que añail_li otrus tratamientus, te expricu:
Buscati un nogalitu de esus que tienin bellotinas y cojis un puñau, lo ponis a cozel en una cazuelina y le jechas un poquinu de vivaporú, cuandu estei cociendu te arropahs con una toballa y respiras jhuerti hasta que te salga el jhumu por dondi t'as queau al airi, o sea el culu, cuandu veas que ya no respiras saca la chinostra de debaju de la toballa y veras la tupa de mocus de sueltas, lo mismu te salín por el traseru y te queas limpiu que por la tocha, si veis que se te pon mu colorá la narpia te vas a la botica y le pis un botinu de vaselina ya veras que suavi se te quea, esti tratamientu puei durar 4 ó 5 mesis, peru pal veranu ya estás comu nuevu.
Buenu esperu que sigas lo que te mandau al pie de la letra y si no se te va a queal la manga del jersé más tiesa que la pata d'un pirata.
salú
...Agradecíu pol los consejus, Juliu.......estoy muchu mejó....estuvi a vé a mi madri a Garroti esta mañana, y ma dichu lo de los nogalitus.......y me dí que qué maña me doy pa costipalmi tantu........peru tengu una vecina, que es enfelmera...y tién buenas manus....y va a vení a velmi, pa que no estey solu esta nochi.....ella me dí que frenadol y lechi mu calienti, mu calienti.......peru yo le digu que el frenadó esi, pa los costipaus de los de Garroti, no vali paná.......y le explicu lo de los de nogalitus.....y le explicu lo del suol ajenu.....se lo tengu que explicá pol lo menus dos vecis.....pa que senteri bién enterá ...¿sabis.....? y la tocha, la tengu en carni viva....a vé si la enfermera me dá algún remediu........comu no guelu ná, a lo peó, me pasa comu dí Uvi......... mentallu entre peña y peña.....
"...o me curu, o me quitu el pelleju.." (proverbiu de Garroti) viva el costipau..¡¡¡