Fraili Mu güenas a tós! Há tiempu que nu ramaheu paquí pol mé los dessamin, peru velequí qu'andamus otra vezi. Vengu con un nuevu proyeutu que nu es noveá, peru sí era mestel qu'angún dia saliessi. Estoi escomencipiandu a escrucal i rustril tolos testus literárius qu'atopu espubricaus u pola redi escrebius n'estremeñu: puesias, cuentus, relatus, ec. La custión es dil holmandu una güena bibliuteca dehital con testus estremeñus eitaus. Si el assuntu ahila palantri, lo mesmu sartamus a una web cumu dios manda. A lo plontu vos traigu una bitacorina La billota literária ()
Nesti rinconzinu idré pusiendu a pocu a pocu testus literárius de traición oral u escrebia que vaiga atopandu, qu'estén, essu sí, nanguna moaliá d'estremeñu, con comentárius sobri l'autol, lugal ondi puel atopalus -ena web u librerias-, notas sobri el léssicu, la ortugrafia, temas que s'estilan ena literatura estremeña, crítica, ec, ec. Piu colabutación de tolos entresaus, polque, craru está, es un trebahu mu grandíssimu puna pressona namás (agora tamién anda metiu el tiu Chelu, ya semus dos ).
Quinquiá colabutal colos sus testus, del heitu que seyan -puesia, inéditus, cuentinus-, con preguntas, suheréncias, endirguis, ena páhina está apontau el correu nel perfil u si nu, pol mé los comentárius a los própius endirguis. Un salú i asperu velvus pola BILLOTA LITERÃRIA!.