Volviendo al analisis etimológico

SR.fraile es ustez un gran entendido con el latin.

Bueno en nuestro pueblo raja se utiliza para muchos dichos  ejen… raja de una falda raja en la cabezas cuando te hacias un corte con el gracioso de turno que te tiraba un canto o piedra con el tirachinas raja en la parez es una crieta grande raja es algo que todos tenemos en la parte trasera mas bien en tre las dos nalgas tambien le llaman raja lo que tienen las srª  entre los senos tambien raja de sandia raja de melon raja en un vestido ó pamtalon hay mas pero no quiero aburriros..

Racha es parecido buena racha cuando juegas ha  las cartas  loteria ect. rachera es genio este niño vaya racheras que le dan  algo roto como una tinaja puede tener una racha un piporro  una puerta  raya es algo roto y que trapasa  se ve por ella el fondo, SR FRAILE Traduzca ustez.

Felicidad; Brindo por nuestra Amistad Quiero que sepais que soy muy Feliz de teneros entre mis amigos. FELIZ NAVIDAD. K2

Que es la postura que se pon con las manos pa jugal a los bolindris.

Y si te adelantas del sitiu al tiral. Esu es jadel cuña (se notaba en el arrastraeru del deu).

Con los bolindris se jugaba: Al guá, al reondel y a lo fochau.

En el guá valia decil «pa vica», siempri que el contrariu no dijera antis: «ni pa vica ni pa na».

Pa jadel una prueba, se decia: «Pa un vé», y el juegu, poia sel «da bolus» o «da ná»

  con  chascarrillos , formas de parlar y escribir en garrovillanu  anécdotas y otros  datos que muchos ignoramos. Como  él son pocus los que tIenen tantas notas y datos  de aquellos tiempos de la niñez y de  otras èpocas anteriores.

 Estoy con él de acuerdo en lo que le dice al  amigo Fraili que eso de la Ã‡ ( C con cedilla ), o C con rabinu abajo , yo nunca lo he visto en los escritos antiguos garrovillanus, a lo mejor tiene, Fraile, razón. 

Yo, también estubi anca tiu borregon, me gané muchus caponis, en eso era especialista, cuandu no sabias algu ,ñaca, caponi en la chilindrola.

De los bolindris hay muchas  regla del juego que no recuerdo.La  que sí recuerdo es lo del donchi o gua y lo de vica. Las chinguinas,es verdad , eran mas pequeñas que los bolindris y cuandu no teniamus perras para comprar éstos   las jadiamus de grea o barru ,en el mediu se le metia una chinina o piedrina pa que fueran mas durinas. La poniamos en braserus o lumbri a cocerlas o secarlas   para cuando golpearan a los bolindris no se racharan.

En lo del quinchon puedo colaborar diciéndo lo que tantas y tantas veces oí decir  y ver  a mi madre danduli quinchonis a las  jelgoneras de jenu  ( colchones de heno ) o colchonis de repé ( escoria de lana   ) para ablandarlos o suavizarlos, ya que se ponian al cabu del tiempu comu canteria y te roias toitu. 

 La diferencia entre   puñetazus y  quinchonis, creo que , está en la manera de colocar la mano y de golpear   .Dando con  el puño en seco  con todos los dedos encogido, obvio,   es puñetazu . Colocando el pulgar entre  indice y corazon ,( la yema al descubierto ), y semigirando la muñeca al golpear es QUINCHON. El colocarlos asi, es  para que estos tres dedos se hundieran   bien entre los inolvidables colchones y abrieran espacio entre su contenido y asina ablandarlus. Bueno, a lo mejol  me  jechu un cerrabullu eplicandulu, peru ma o menu es asina.

 Por suerte,muchos de vostros,no habeis conocido esas (in-)comodidades parecidos  a los de hoy, LATEX, jajaja.De todo esto , a los que  pronto nos ronda los 60, podemos hablar con bastante propiedad.  

Un saludo para todos y en especial para mi amigo Julio Saavedra

Tamien hemus jugau a los santus, recortabamus el cartoninu de las cajas de mihtus pol el lau que tenian un neni y a jugal. Se empezaban a tiral desde una altura marcá y cuandu montaba en angunu tous los que estaban en contactu te los llevabas.

En cuantu a las diferencias de la folma de palral con el tiu Fraili puei sel, comu en toas las palras, en los localismus de ca zona. Peru la faena en la que esta metiu el y otrus de varius pueblus de toa ehtremaura es de agradecel, pues aunque tengamus diferencias tenemus muchas coincidencias.

Es una alegria tenelti de nuevu paqui.

Salva1 yo me acuerdo que se ponian los santus tous boca abaju y con la manu un pocu jadiendo comu un cuencu se daban palmás sobre ellus y el que se volvía y keaba boca arriba te lo llevabas. También era mu entreteniu cuandu se jugaba con las piedra que eran d’un tamañu chiquininu y tenías que ir cogiendu primeru de una en una tirandu otra al airi, después teniás que cogel dos, luegu tres, y así sucesivamenti, había que jadel un puenti, con los deus y pasal las piedras pol debaju, luegu la tijera, etc.,etc.. Y a lo que refería antis sobre las baterías ¡aqueyu si que eran unus juegus con los que jadian ejercicius; toavia m’acuerdu de un casu que en una batería (creu que en el conventu) algunu se presento con un arcu y las flechas eran de las varillas de un paragua ¿y que paso? pos que al hiju de un churreru famosu en aquellus tiempus le clavarun una en la cabeza y no veas la que se armó.

En cuantu a lo que dicis de la pizarra m’acuerdu que los pizarrinis los había de pizarra dura y los más blancus y mas tielninus se le llamaba de manteca, que encima se borraban mejol. ¿te acuerdas comu se borraba? pues era mu simpli llevabas en la pizarra una cuerdina y en la punta un trapu y cuando tenías que borral algu, ¡hala escupitiña que te crio! y aquellu golia que era una cosa mala, y si encima estabas un poquinu costipau y te limpiabas los mocus en la manga del jelsey que t’habia jechu tu madrí…, aqueyu si que era higieni.

Ahoro me vien a la chinostra algu que en algún tiempu estuvi recogiendu y se trata de comu cambiamus a la muestra manera la folma de cambial los nombris propius pa conocehlu mejor, y voy a ponel algunus ejemplus:

El primeru y con permisu el de tu aguela que de llamalsi Libertad, se le conocía comu «Laliberta». Otru casu es el padri de uvi y de ahí su sinonimu que de llamalsi Wifredo la genti del pueblu lo abrevia y comu empieza por uvi dobli pos pa jadelu más fácil le llaman Uvi. El casu de la Perfinia que naita tien que vel con el nombri originariu que es Porfiria, y un últimu ejemplu, la mujel de Juan Prietu se llama María de la O, pues si tu vas a su casa dicis «voy en ca la la O»

Uvi en lo que dicis referenti a Fraili nada más lejo de mi intención que ponel entredichu lo que él espriki, polque seguru que sabi y ha estudiau el lenguaji nuestru más que yo, yo solu quieru referil lo que he viviu, y que no tiene porque ir en contra de los que otrus digan.

salud,

   De loh q’andaih paqui unuhpocu tamien aveih hugau al veldugu nu,poh avel que vaigan saliendu loh nombrih ,i puehtu candamu mu celquina, aprovechal    pa helicitaruh el Añu,lo mehol de lo mehol pa toss i que mos sigamu encontrandu paqui,que l’alegria dehta nochi siga el rehtu del Añu un Abraçu pa touss                                                                                                Francisco Luceño

hay muchus juejus que no habeis nombrau o vusotrus no habeis jugau a la piquena,al avion,a la mula corria,al boti boti etc……….

Esti jilu empezo comu analisis etimoligicus de las palabras y al final s’ha convertiu en un monográficus de juegus. Pos vamos a seguil.

Lo del verdugu consitía en jugal con un guesu  (creu que era la tibia de algún animal lanar) y se tiraba pa’riba y según kaia había cuatru posicinis, el rey, el verduru, el pan y el vinu, y ka jugaol tenía un papel el rey mandaba el verdugu pegaba con el cinturon ¡mira que eramus brutinus eh!, el pan se salvaba y al que caia vinu zurriagazu que te crio, en otrus lugaris se le llama la taba.

En referenti a la mula habia muchas variantis una de la más popularis era cuandu la mula se iba alejandusi del punto que se tenía que saltal y tenía llegar hasta ella y saltarla, se poia decil: media, o entera, o dos media y una entera y así sucesivamenti. Otra era jugal de «a cardus» que consistia en cualdu estabas encima de la mula con el pie derechu (que es el que pasa por la parti del traseru) de dabas un cardu -o sea una especie de pata comu si fuera una espuela- y tambien existian varios gradus del cardu según se tuviera más o menus compasión con él que estaba de mula. Otra varianti era que a través de los numirus se iba cantandu había que jadel distintas cosas, pongu algún ejempru que m’acuerdu y posiblimenti esté confundiu : primera ?????, segunda culá que te junda, tercera jinca la roilla en tierra, cuarta cula que te parta, quinta espoliqui….Y otra varianti era ponelsi unu de burru nolmalmenti agarrau a una reja y había que il subiendusi encima y el que se caia la jinkaba.

Claru que estu si se jugara hoy posiblimenti algún pairi denunciara algún muchachu por maltratu, pero entincih era lo que había.

Otru día si alguien no lo cuenta contaré  lo de la «madri de los peligrus». ¡Ha y por ciertu! esu que jadin hoy loh fubolista que ganan mucho que le llaman jadel una paré, pos esu donde mejol y primeru se jidu fue en la calleja del juertu de cagal, y consistía en pegal con el balón contra la paré de la calleja y volvel a cogel el balón anti que el otru, y de hay vien lo de jadel la paré, así que no se crean loh entrenaoris esus d’hoy en día que han inventau ná.