Una vueltina

Dandu una vueltina la otra tardi, por los alreoris de nuestru pueblu, me llamo la atención al pasar por el Conventu unu de esus desastrosus cartelis que ja unus añus se colocarun juntu a algunus de nuestrus monumentus mas importantis. Digu desastrosus polque están mu deterioraos, algunus comu esti ni siquiera esta. El tableru ondi tenia que esta explica toa la historia de esti bien de interés cultural rezaba «CONVENTO DE LA VERGÜENZA». A lo primeru pensé, «mira en que san embebiu», peru después me diji mirandu esa inmensidad de granitu puru, piedra y barru, pos claru, esu eh!, esu es precisamenti lo que sientu, velguenza.

Velguenza ca ve que lo veu en un estau tan ruinoso y destruiu, pero hasta cuandu vamus a estal esperando a que le metan manu. Que es lo que impidi que emprincipin a restaurarlu y dedicarlu a lo que mejor parezca. Toitus hemus leiu, u nos han contau, que ya esta toitu en marcha, que se ha aprobau no se que, que se ha solucionau no se cuantus, pero al final na de na. Que es lo que pasa con nuestru queriu Conventu, tenemus que verlu caelsi piedra a piedra y seguir sintiendu pena, rabia, VERGÜENZA…..