Inicio » Generales » La Laguna

una de nuetra langua

Garrovillas de Alconétar Foros Generales La Laguna una de nuetra langua

Viendo 5 publicaciones - del 1 al 5 (de un total de 5)
  • Autor
    Publicaciones
  • #1002
    almacenista
    Participante

    ¿Dios es un inventu?

    Pairi vuestru que estás
    pai pal cielu,
    tan altu tan altu
    que ni un pirucuto,
    te estolba pa belmus.

    Aquí, a tí te bendin
    comu argú etelnu,
    comu lo más sabiu,
    lo más poerosu
    comu lo más güenu.

    Tú que to lo vides
    sin gafas d’aumentu,
    tú que to lo pueis
    con movel un deó,
    tú qu’eris más güenu
    quel pan que comemus.

    Esu icin de tí,
    de tí icin esu.
    Del dichu a la verdá
    siempri hubu güen trechu.

    Apeate del burru
    baja aquí un ratinu,
    enchufa la teli
    mirala un poquinu.

    Pué qu’asi tenteris,
    comu esta esti mundu
    comu están sufriendu,
    millonis de seris.

    ¡Fijatí!
    en loh muchachinus
    qu’están sin cobiju,
    sin pairi ni mairi
    ni siquía un amigu.

    !Fijatí!
    en aquellus que sufrin,
    de calol o friu
    y tamien de jambri,
    sin ná pa comel
    sin poel tapalsi.

    ¡Fijatí!
    las tierras sequinas
    polque nunca lluebi,
    ná puein sembral
    ná naci, ná se muebi.

    ¡Fijatí!
    otras enchalcas
    lluebi que te lluebi,
    jadiendu destrozus
    sin paral en mientis.

    ¡Fijatí!
    lah gerras y lah epidemias
    to el mal que y’an jechu,
    i seguin jadiendu,
    sinqui aconsigamus
    ponelli un remeyu.

    ¡Fijatí!
    el volcan comu escupi,
    fuegu, laba y destroción,
    fijati en los terremotus
    lo dejan arrasau to,
    tamien loh bientus mu juertis,
    ¿tú loh jicistes?. !O no¡

    Y endispues de estu
    piensa un poquininu,
    tú tan poerosu
    tú tan sabijondu
    tú tan super güenu.

    Comu del sumun perfectu
    una cosa asin salió,
    ¡jicistis una chapuza!
    ¿o jué con mala intención.?

    Yo, que no soy sabiu
    poerosu, ni güenu,
    solu soy un jombri
    ni a DIOS me parezu,
    daria con gustu la mi via
    pa encontral un remeyu.

    Tú que to lo pueis
    no lebantas ni un deó,
    ¡quizías no pueis jacellu!
    ¡quizías no eris tan sabiu!
    ¡quizías no eris tan güenu!

    Y no quieru oil,
    estorias felosoficas,
    maturrangas ni cuentus,
    ¡se puei o no se puei!
    ¡se jaci o no se jaci!
    ¡s’es güenu o no s’es güenu!

    #102594
    dalí
    Miembro

    Esa poesía está mu bonita, Casina, pero cuandu se copía algu del interné,para que no se enfai naidi, hay que jacel mención al autol -David Delgado-o al sitiu de dondi salió. En esti casu aunque el dei la su autorización pa publicarsi no está de más reconocerli el meritu.
    Te recomiendu esta otra de Gaudencio Balbino que pueis encontral aquí.
    http://www.ctv.es/USERS/daviddelgado/balbinoprincipal.html.
    Saludos

    #102595
    almacenista
    Participante

    tienes razòn, lo he sacado de foro-ciudad, tambien he pueso el fragmento de ota poesia cuyo autor es Dionisio Martin Grados y el libro se llama» Recuerdos de la mi tierra» Editorial Amarantos , no es conocido y fue un regalo. ¿tengo que pedir permiso al autor para poder daros a conocer parte de la obra de este señor? Si no es asì otro dia os pongo mas poesias en cactuo, ya que alguien por ahi en algun comentario daba a entender que renegaba del cactuo, o asi lo he interpretado yò. da pena que se pierda nuesta lengua, o mejor dicho que la veamos como algo que nos hace sentirnos inferires al resto de la gente.

    #102596
    almacenista
    Participante

    Eh de golvelsi pal pueblo

    Ehtah cosa al alcaldi
    De Badajoz, na menu,
    Le lei aquella tardi
    En cactuo extremeñu.

    Y cuando yo terminè
    El se levantò aplaudiendu,
    Pa dalmi a mi un abrazu,
    Esi fue mi mayol premiu.

    El abrazu de un alcaldi,
    de un alcaldi extremeñu,
    Por ehcribil unuh versu
    Recuerduh de la mi tierra
    Qua mi me salierun da dentru.

    Dionisio Martin Grados

    #102597
    dalí
    Miembro

    Yo creu que siendo el asuntu pa divulgación cultural, jaciendo mención al su autol hay bastanti. Gracias pol la tu aportación.

Viendo 5 publicaciones - del 1 al 5 (de un total de 5)
  • Debes estar registrado para responder a este debate.