Inicio » Generales » La Laguna

Los juegus de antis de la era electronica

Garrovillas de Alconétar Foros Generales La Laguna Los juegus de antis de la era electronica

Viendo 10 publicaciones - del 1 al 10 (de un total de 10)
  • Autor
    Publicaciones
  • #20008
    uvi
    Miembro

    Buenu Julio recapitulandu, cuentanus lo de la Madri de los peligrus, y paque no se pierda lo escritu en el otru jilu aqui deju pa pinchal en esti enlaci

    #107283
    saavedra
    Jefe de claves

    Comu bien sabis el jechu consistía en una refilera de muchachus y el más valienti -que solia sel el mah grandinu se ponía delanti y los otrus tenian que jadel lo mismu que él, unu de los peligrus que más se usaba era saltalsi los bolichis de lah canterías de la laguna y aluegu lo que se le ocurriera a c’unu

    Pero estu de los juegus tien una connotación temporal, o sea queka estación del añu tenía sus propius juegus; por ejemplu en inviernu y cuandu habia braseru en las cashas se solía cogel una latina o boti de lata y con unus kachinus de picón o zaragalla del braseru se le metía un cachinu de pimientu picosu y comu toitas las puertas estaban abierta por la parti de arriba, se metia el boti o la latina en la casha que se tenía comu objetivu y al ratu estaban tous tosiendu comu si estuvieran tisícus, a esu se le llamaba jadel el teji-teji. Por esi mesmu tiempu se solia dal el din-din y la cuestión era buscal normalmenti la casa de alguna moza de la partía y como toas la puertas tenían el cerroju pol fuera se el ataba un jilu negru y desde la esquina de la calli se tiraba del iju y ¡hala a dar la monselga a los padrid de la muchacha!. Unos de los objetivus de la mi partía era (con perdon por usar su nombre) en ca tio «parrinu» y comu el hombre era un poco poeta cuandu salia corriendu detras de nusotrus siempri nos regalaba algún versu propiu que nos ponía comu se di ahora a parir.

    Prometo seguir.

    salud,

    #107284
    uvi
    Miembro

    La Mula, los santus, los cincu cantitus, el verdugu, tiral calvurus, el cerrupicu, loh bolindris… no se si me he queau angunu en el tinteru.

    Ahora se me vien a la memoria la Peona, lo que pasa esque no me acuerdu mu bien en que consistia ademas de tiralla y cogella con la manu.

    #107285
    ljh
    Participante

    jugar ala peona o al peon el juegu consistia aparte de tiralla ycojerla en jugal a las cucas se hacia un redondel tiraban dentro del redondel y se tiraban los demas contra los que estvan dentro los habia tan brutinus que los hacian pedazzos

    #107286
    saavedra
    Jefe de claves

    La diferencia entre unu y la otra es que la más chinviliki era la peona y solía tenel un muchu y el peón era más grandi y sin mochu, se le solía ponel una chincheta o clavu. se juguaba de distintas folmas, las usualis eran que se jadia un reodel y ka jugaol ponía un numeru de platillus de las botellas machacus y cuandu tirabas la peona o el peón tenías que cogerlu con la manu y consegil sacarlus del reondel y con esi te keabas, otra forma más brutina era jugal a rachal las peonas y consistía en ponel la peonas en el reondel e intentar romperlas tirandu con otru peón, a la cuerda se le solía ponerl un platillu al final pa facilital la labol. Tambíen era mu normal si tenias un amigu jerreru que te cambiara el picu que traia la peona o el peón ponerli una que se llamaba picu de chalpeta y con esu y un peón erah el rey de la laguna.

    Aki debaju pongu una foto aunque mu malina pol que la he jechu en casa y con una condicinis mu pestosas del guesu que se usaba pa gujal al verdugu.

    Y a Salva1 recordarli que la enciclopedias se llamaban Alvarez y había tres gradus, yo aun tengu algunas guarda en un baul de la casa de la calli naranju.

    Y con este otru ejemplu que voy a ponel creu que se telminan las folmas de jugal a la mula que era unu que se llamaba «malca chivatu» consistenti en que el primeru que saltaba decía «malca, malca y se queaba pensandu un ratu  y al final decía de amotos y el decia «la vespa» y tous los demas tenían que ir diciendu malcas de amotos sin repetirlas, y el que no decía ninguna o la repetía ¡hala a jingal la mula!.

    salud,

    #107287
    salva1
    Miembro

    de aquellus inviernus lalgus  y durus en aquellas escuelas , en aquellas   aulas , que ma bien parecian macrusalas de cualquiel hospital de los  tiempus. Que friu, maestru, emus pasau y sobri tou cuandu llovia que nos ponian nuestras madris la botas catiuscas de media caña, ( vaya nombri catiuscas) que nos jadian unus rocis con costra en toitu el entornu de las pierninas . Toita la mañana con los  pies  ma friu que el carambanu y las calzoninas cortas y un jerselinu de na ,desde  luegu que eramus de piara y  mu poquina vecis nos costipamabus, nu que ahora pol un simpli  virinu ,ala, mocarreras al cantu.

    Del juegu de la madri de los peligrus te pue contal  que , una   mañana de un domingu , depue de misa, remuau ( vestimenta de los domingos ) con la calzoninas de pana negra y lisa, ( mu jaqui) ,caminu del diezmu habia una obra en una cassa y alau de la puertina tenian los albañiles la cal apaga en mediu de un cercu de arena, pues, ala, el valiente de la pandilla diju vamus a salta la cal, rebale y me pusi de cal la calzonina que paji que me la habian teñiu.  Cuandu me presente en cassa  macanua sumanta  la que me dio mi madri. 

    Buenu: Juliu, cuentalis , si te acuerdas ,del juegu  rabu-zorra-,de cuandu jadiamus los cambullerus y la taratachindas en la matanza dalgun  vecinu riquinu, pol que lo pobris no teniamus perras pacel matanza.Del esconditi aunque esti era un juegu facil peru tenia su trengulis, del jilinu de pared a pared en la calles ,de reja a reja,  pa qutarli a los hombri las  gorrinas. Ma pa lanti te peire que nos recuerdis de otrus tantus que por ahi nos quean. Un abrazo

     

     

    #107288
    uvi
    Miembro

    El dia de la matanza no ibamus a jadel un cambulleru y tamien nos tirabamus pol la Rehbalaera.

    Juliu he estau buscandu la mi taba y no la encuentru pol ningun lau. menus mal que t´as traiu la tuya.

    #107289
    saavedra
    Jefe de claves

    Ciertu que cuandu se jadia matanza no se solía ir a escuela y despue de matal el cochinu con la soga de cogelu nos solíamuh ir a varius sitius, unu mu buenu era el Cristu, polque se jadia el cambulleru que se ataba la soga en la misma rama, también se jadia la cuna que era más bajina, normalmenti pa las muchacha y se ataba a dos ramas que estuvieran mu abiertina, y pa remati y  pa imital a tarzan atabamus la soga en una rama alta y que el suelu tuviera algu de desnivel y la usabamus a mou de liana y le llamabamus la taratachinda.

    También se solía cogel una tripa chikinina y llenarla de sangri y despojus de la matanza y tirarla al zaguan de la casa de alguna muchacha con el consiguiente cabreu por palti de la familia.

    Combenienti es referil que será de los pocus pueblus, o pol lo menus que yo conozca que se comi el pelleju, y es que del guarru se aprovecha hasta los andaris,  Si bien es ciertu que era una parti mu importanti del sustentu pa to el añu. Se empezaba esi mismu día con las sopinas de jigau y se terminaba pa la feria habriendu algún lominu o si habia keau jamón, cosa que no era lo habitual.

     

    #107290
    Wifredo
    Jefe de claves

    #107291
    k2
    Participante

    La verdad salva1 que que tiempos a quellos pero no hacia falta ser riquinu para hacer matanza yo en mi casa la hemos echo todos los años y no eramos riquinos solo labraorinos de burras y un caballo, ahora la vestimenta si que era dificil de tener tenian las camisas y pamtalonez mas remiendos que los de catinflas mi hermana tenia 13 anos y todavia se pònia el traje de la comunion mira si le pondria mi madre bastilla que empezo a media pierna y termino siendo minifalda y yo el traje me lo hizo el sastre de garrovillas y lo deje de usar cuando ya me estaba amedia pierna, y mi padre sabes que hacia se comia el pan solo y ledeciamos por que hace eso y el decia que con el trocino tan chico de queso que mi madre le daba si se lo comia solo le sabia a queso pero si nó solo sabia a pan. los cambulleros buenos estaban en la nora que es el pozo que esta cerca del cementerio me acuerdo que una chica hiba sentada y un chico de pies en la misma cuerda cojia velocidad y casi se daba uno la buelta, que gozada que tiempos tan buenos apesar del frio y los sabañones y la 2 ptas que te daban yo creo que se añoran por que ahora nos faltan muchas jentes que queriamos y las hechamos de menos. feliz año nuevo. k2

Viendo 10 publicaciones - del 1 al 10 (de un total de 10)
  • Debes estar registrado para responder a este debate.