De comu se transversan las cosas

En el trabaju habia unu que se llamaba Ignaciu, dispues fué gimnaciu, aluegu gimnatico, joder, mas tardi gimnasticu de Tarragona. Al final lo llamaban Tarragona.

Otru hombri, cuandu era chiquininu, (sigui siendulu) corria muchu y habia un hombrinu invalidu, que le encantaba velu correl. El hombri con su media lengua, le decia: «corre chiguina, corre chinguina». Peru toa la genti le entendia: «torre chinguina». Pos na, que lo de «torre» jidu gracia y al final el chiquininu se lo queo de moti.

Y que decil de «llanitu paloma». Su nombri es Paulo de Osma. Peru si mezclamus el garrovillanu con la prisa porhablal sal: paulosma. Mas prisa: paloma. Lo mesmu pa la calli Mendi.

Esi hombri que se llama Wifredo. «Ostia una V dobli». Imposibli pronunciala. Despues de muchas vueltas, lo mejol es llamalu «UVI»

Que curiosu, una señora de las navas se llama O. Comu pal femeninu ponemus el articulu, llegó a garrovillas llamandusi «Laó». Pos aqui otra vé el articulu. «La Laó». Coño si se vá a Cañaveral, será. «La Lalaó».