Mantente siempre al día con las últimas novedades de Garrovillas de Alconétar y accede al catálogo completo de fotografías en Alkonetara.

¡Explora, conecta y disfruta de nuestra rica historia visual!
Inicio » Generales » El político

Comu la Plaza de Oriente

Garrovillas de Alconétar Foros Generales El político Comu la Plaza de Oriente

  • Este debate tiene 26 respuestas, 8 mensajes y ha sido actualizado por última vez el hace 17 años, 1 mes por Anónimo.
Viendo 12 entradas - de la 16 a la 27 (de un total de 27)
  • Autor
    Entradas
  • #102880
    C CAT
    Miembro

    Entoncis señol camarada tu que proponis. ¿ Que cojamus un sachu y vayamus por toas esas cunetas a desenterral muertus de la guerra comu si fueran criaillas?

    ¿Y esu paqué sirvi?. Yo te lo voy a decil. Los muertus que según tú quean pol desenterrar sirvin a los partius nefastus de la izquierda pa dalsi algumentus cuandu no los tienin. Fíjati lo que pasó con los papelis del Archivu de Salamanca. Antis del traslau no dejaban de aparecel familiaris de desparecíus que querían sabel, cuando en cualquiel momentu lo poían habel consultau en el Archivu.

    A siu trasladal los papelis a Cataluña y ya no sal naidi queriendu sabel ná. Lo mesmu pasó con la platafolma del «nunca mais» y la del «no a la guerra». Te creis tu que tous esus movimientus al igual que las revolucionis ( como contestas al  dalí) nacen pol generación expontánea…y un güevu. Toas están siempri respaldás por angun movimientu o partíu políticu.

    En cuantu al tema con el que abris el jilu debo decilti que no se de que te quejas si tu bandera es la tricolor,la de los otrus la señera o la ikurriña, si tu imnu es la internacional y la de los otrus es el segadors o el gora ta gora, que más os da que alguién use el himno de España y la bandera rojigualda. Sois comu el «galgu de Lucas».

    Pol últimu decilti que el pasau me preocupa lo justu. Lo que pasarun nuestrus pairis y aguelus no debería habel siu así, peru pasau está. Lo que verdaderamenti importa es lo que le vamus a dejal a nuestrus hijus y con mentaliades como la tuya mal vamus. La suerti es que solo sois cuatru mojigatus.

    #102881
    D dalí
    Miembro

    Te refrehcu la memoria y te pongu un cachinu de artículu del primel levantamientu en contra de la tu república y mira pol dondi quien la reprimió.

    El 12 de octubre de 1934 las unidades militares enviadas por el Gobierno de la República se aprestaban a sofocar la huelga revolucionaria desatada en Asturias por el PSOE y la UGT. Una de las columnas militares, compuesta por moros, legionarios y otras fuerzas del Ejército, tenía entre sus mandos a un capitán de trayectoria africanista, de guarnición en León, que respondía al nombre de Juan Rodríguez Lozano. Era el abuelo paterno del actual secretario general del PSOE y presidente del Gobierno, José Luis Rodríguez Zapatero.
    La hoja de servicios del capitán Lozano que se guarda en el Archivo Militar de Segovia habla de esta historia desconocida, muy distinta a la que el presidente Zapatero ha referido siempre. Zapatero nunca ha contado que su abuelo participó en la represión contra los mineros asturianos, dirigida por el general Francisco Franco, incluso escapó con vida de un fuerte tiroteo contra los insurrectos izquierdistas. Este hecho, sin duda alguna, pudo haber marcado de forma muy diferente el devenir político de su nieto, que siempre ha sentido el fusilamiento de su abuelo por los franquistas como el origen de su posición política.

    Saquin uhteih mehmuh lah conclusionih.

    #102879
    cañita
    Participante

    No te preocupis que no me estoy equivocandu naita con el magistrau guevara, y comu habitualmenti no opinas que eris de los que vienin a pical y echal la cagaina, no se que piensas de las mentiras que echa este tertuliano en su replica «desde el implanti».

    Los revolconis pa mi me los tomu comu diju el sabiu si es posibli le aprendu tou lo que pueu de ellus: Nuestras horas son minutos cuando esperamos

    saber y siglos cuando sabemos lo que se puede aprender.

     

     

     

    #102882
    evo-41
    Miembro

    En 1694, el político británico Oliver Cromwell consiguió que el parlamento inglés condenara a muerte a Carlos I.

    Tras su ejecución, el autodenomidado «protector de Inglaterra» se acercó al patíbulo, tomó la cabeza decapitada y con ironia no exenta de cinismo, comentó: !Lastima¡ el Rey tenia una salud excelente.Hubiera podido vivir muchos años». 

    #102883
    Guevara
    Miembro

    Los muertus, dondi estan, nu? claru, no son tuyus, que mas te da.

    Peru, enfin, ties razón, estu solu beneficia a los «nefastus partius de izquierda».

    Peru no te preocupis, comu tu dicis, de izquierda queamus cuatro mojigatus. El restu, centru-derecha(psoe) y extrema derecha (PP) y mas palla no hay ná.

    Y segureis mandandu unus y otrus, porque a ningunu os interesa cambia unas leyis que jadin que casi tres millonis de votus sean 5 diputaus.

    pos palanti, ajonda en la desigualda, a vusotrus os va de cojonis.

    Peru tenel cuidau, estais tensandu muchu la cuerda y esti cuentu de riñas de mentira que os teneis montau va a deja de cola dentru de pocu.

    Ah, de la bandera solu diji que me gusta mas la mia. Si a ti te gusta esa, pati pa siempri. y el himnu, te lo pueis ponel hasta en el movil.

    Antifascistas Siempri!!!

    #102884
    cañita
    Participante

    Que manera de embebel al respetable, que tupa de mentiras cuanta mierda de politica y tous entranduli al trapu a estus ladronis que lo unicu que procuran son esus peazus de sueldus que se ponin desde el mas insinificanti alcalduchu hasta los parlamentarius catalanis que son los mas ladronis de tous. Y pa distraelnus nos echan a reñil a tous los desgraciaus, pa asin ellus llevalsilu tranquilamenti sin ensucialsi la manus y legalmenti.

    El tal guevara que se la vien dandu de roju sin tenel ni idea que es esu na mas pol lo que olli, ahora le preocupan los muertus de ja 60 añus, lo he llamau mentirosu pol que se ha descubiertu que no tien ningun antipasau republicanu y va y me cambia de conversacion, no te preocupas de lo que esta pasandu, que se estan riyendu de nusotrus en la cara tous los dias, los juecis, los politicus y toa la puta casta que los fundo. Hoy mismu a un tiu que ha matau a 25 personas, inocentis, sin conocelus, le va a salil a menus de un añu de carcil por muertu, cuantus desgraciaus hay en la carcil que estan chupandu muchu mas de unu y dos añus sin habel matau a naidi, ¿estu es la justicia? y pa mas cachondeu hoy le echan a una hija puta criminal cuatrocientos y picu de añus, comu si no lo fueramus a creel, ¿que mierda de engañu es estu? y tous viendu la tele, pagandu letras, multas, impuestus, engordandu politicus ladronis y toas las tropas de burocratas y gobiernuchus de autonomias que no silvin na mas que pa esu pa explotalnus, quitalnus la vida trabajandu pa ellus y encima hay desgraciaus muertus de jambri que los defiendin comu perrus.

    Lo peol de tou es la traicion de estus, polque son peoris que los franquistas, que cuandu esperabamus que se jidiera justicia, hemus entrau en un mundu ehtrañu en el que los ladronis sabin, cuantu van a pagal, cuandu y hasta ondi puein delinquil a sabienda de que van a entral por una puerta y van a salil pol la otra, los maltrataoris de mujeris asesinus que le van a atenuar las penas aun cuandu le dio 80 puñalas y van a decil que no fue ensañamientu, los violaoris que van a echali la culpa a la viola pol il provocandu etc, etc, etc….. que tous los dias escuchamus disparatis y se aprovechan de que tenemus la memoria floja. Estu es el estau del bienestal pa los delincuentis y los politicus, polque pa los paganinis, solu disciplina y sufrimientu.

     

    Señol guevara no me cambi usted de conversacion y se jaga el distraiu que le he contestau antis y no ha teniu uste algumentus pa contestalmi.

    #102885
    Guevara
    Miembro

    Comu te ponis, Cañita, polque se me olvia contestarti!!!!

    No mavia dau cuenta que tu aqui ties que sel alguien de importancia, na mas por los airis que te das.

    Pos pa que lo sepas, se ma habia olviau, no te habia dau mayo importancia, peru ahora que veu que la tienis, queris un guru de estus forus, la cosa cambia.

    Ahora no te contestu polque no me sal de los cojonis!!!

    #102886
    Guevara
    Miembro

    Queriu Dali:

    De primeru decirit que me gusta muchu la tu espiral pa himnotiza. Es mu chula.

    Al fondu.

    Contra la republica (legitima, democrata y de derechas en esa fecha), se alzan los minerus de Asturias en el 34, y legitimamenti, el estau manda fuerzas del orden a sofocá la revuelta.

    Los que se alzan forman parti del estau? NO. Cobran del estau? NO.

    Comu mandar antidisturbius a Astillerus de Sestao. Legitimu. Me jode, no me gusta peru legitimu.

    De verdad creis que se pareci a que el Ejercitu, a los que pagaba la republica, servidoris del Estau, se alzin contra esi propiu estau que debin proteguer?

    Sobri el aguelu. Era Militar. No tengu mas que deci de esi hombri.

    Peru no ensuceis estu con recortis de ABC.

    Antifascistas siempri !!!

    #102887
    D dalí
    Miembro

    Hombri comandanti! Me alegru que la espirá haiga surtíu efehtu relajanti y se puea dialogal en ehtuh foruh en un ambienti plurá y dihtendíu. A máh, yo se que tu eris un buen tertulianu con gran capaciá. Lo que máh me enfáa de ti eh que cambis tanto de nik. A becis puei sel empalagosu hablal siempri de lo mehmu y paeci que cambiandu el nombri sea otra pelsona la que lo díh, ¡pero buenu ehtá!.
    Me peguntah “De verdad creis que se pareci a que el Ejercitu, a los que pagaba la republica, servidoris del Estau, se alcin contra esi propiu estau que debin proteger?”
    Y yo te ampliu la pregunta ¿ que la república se debi de protegel del mehmu pueblu?. Malu cuandu el ehtau se tien que protegel del pueblu con el su ejércitu.

    A lo que yo boy en conclusión eh acelti bel (que no combencelti)que en la política no hay buenuh y maluh (son tous lo mehmu) y que no eh una línea rehta con doh ehtremuh opuehtu, sinó que eh un cérculo dondi loh ehtremu se ajuntan. Que baju una república, monarquía, ditadura u lo que sea, el reprimíu siempri ba a sel el mehmu, el pueblu dehgraciau.

    Ya quean mu poquinuh aguelinu desa edá en el pueblu, peri si tienis la opoltuniá de conocel a angunu que combatiera en la guerra preguntali si luchó del bandu que el quisu, veráh comu te dih que pol loh cohoni. Quien queó del lau roju pos roju y quien queó del falangihta pueh esu. ¿Cuantuh combatientih rojuh quearun en el puertu de Falset en la batalla del Ebro con un tiru en la nuca dau pol loh sus propius oficialis?
    Lo mehmu que pasó por el contrariu en el frenti de Badahó.

    Ehtrahtu del diariu de guerra de un milicianu…..
    ………El señor Fonts pasó dos noches a Falset pero por mala suerte fueron demasiadas. Los franquistas ocuparon la población y lo encontraron en la casa donde se alojaba. Le pidieron la documentación i al ver que era un simple soldado raso qeue habían reclutado a la fuerza no le hicieron nada, pero un soldado de las tropas moras le robó un reloj que llevaba. Un teniente fue testigo del robo acontecido i fusiló al marroquí delante del señor Fonts devolviéndole el reloj, una auténtico golpe de suerte y gran anécdota. El señor Fonts comenta que ya desde antes había mucho racismo y que este teniente debía estar más que harto de ese marroquí. El teniente fue muy amable al hacerle un papel de “afecto al régimen” para que ningún franquista le hiciera daño. Entonces se puso en marcha de Falset hacia el norte adelantando al avance de las tropas franquistas.
    Vuelta a la normalidad: iba un poco desorientado pero llegó a Sant Sadurní d´Anoia y por aquellas casualidades de la vida se encontró con un autobús de línea Vilafranca del Penedés – Igualada en que el conductor era pierenco (de Piera). El conductor del autobús le reconoció y lo llevó hasta Piera. Llegó a Piera vestido de miliciano y un papelito “salvavidas” por si algún franquista lo cogía, el fusil lo dejó en Falset. Hizo vida con toda normalidad trabajando en la misma empresa como instalador de líneas telefónicas. Guardó su informe en el desván y vivió siempre con el recuerdo de la guerra. Nunca pudo volver a reencontrarse con aquel amigo de la guerra y el 4 de enero de 2004 falleció en el Hospital Comarcal d´Anoia víctima de un infarto de miocardio a la avanzada edad de 104 años

    Buenu poh esu…..salú camarada….. y que no tengamus que bernuh en esah de nuebu.

    P.D. Lo que te pusi no es del ABC y ehtu otru tampocu que ahora sa bueltu rojo. Eh que yo no se ponel enlacih tan bien comu tu. ¿Me entiendih? Y no te enfaih con cañita hombri quesu ehtá mu feu

    #102888
    Guevara
    Miembro

    Queriu Dali:

    Le puestu esi titulu a esti textu por que estoy dacuerdu contigo en casi tou. En que es una pena que un estau se tenga que defendel del pueblu, (ya pusi que me joia), en que los politicus que mandan son tous mu parecius (centru-derecha y derecha del tou), que sea cual sea el sistema, el chicu es el paganini y se lo comi el grandi…, que en esa guerra eligierun pocus, etc.

    Peru estu no iba de esu. iba de memoria histórica.

    ¿Tu creis que debi sabelsi tou de las atrocidadis de los servius, bosnius y croatas? Yo creu que si.

    ¿Tu creis que debi sabelsi tou de los atentaus del 11-M? Yo creu que si.

    ¿Tu creis que debi sabelsi tou de las represionis de Castru en Cuba? Yo creu que si.

    ¿Tu creis que debi salbelsi tou de los del GAL? Yo creu que si.

    ¿Tu creis que debi sabelsi tou de la Guerra del 36, de los dos bandus? Yo creu que si.

    Tu pueis pensal lo que tu quieras y yo te respetu, peru ca vez que algunu contesta que NO a sabel la verdad, no pueu pensa mas que LA VERDAD LE PERJUDICA.

    Otra cosa es que algunus piensin que queremus volver a Mayu del 36, abolir la monarquia y montar la III Republica.

    Que no sasutin, que si los inglesis, que son mas flojus, aguantan una monarquia comu esa, nuestrus nietus aguantaran a la muchacha de la Letizia el tiempu que jaga falta.

    Fueraparti.- Comu insistis en que estu es otru nick, he pensau que poia crearmi otru de verdad (me iba a pone Lenin pa acaba de cagarla). Me han contestau que mi correu electronicu ya esta asignau a un nick, asi que no he poiu. Dimi comu pueu jadel.

    Un saludu.

    Antifascista Siempri!!!

    #102889
    D dalí
    Miembro

    Apreciau comandanti: Retomandu el hilu contestu a lah tus preguntah. Evidentimenti que tou debi sabelsi, peru filosofeandu un pocu te diré que cualquiel hechu ocupa un ehpaciu y un tiempu ( cosa ehta mu impoltanti).  Ejem: De que te vali a ti sabel quien fue el cabrón que te pinchó lah rueah del cochi el añu pasau.  ¡¡ Ah si lo entillah a loh cincu minutuh de aberlu hechu ¡!, Comu hubieran cambiau lah circunstanciah.

    • -De que noh vali agora sabel quien fue el culpabli del 11-M  ¿va a cambial algu dehpuéh de treh añuh? Si anguién tuyu murió ¿te sentiráh mejol sabiendu que el culpabli en veh del  h.p. de un moru fue el h.p. de un etarra?. Otra cosa es sabel lo que pasó entri el 11 y el 14, polque loh personajis aún ehtán en el ehcenariu. 
    • -De que vali sabel lo acontecíu en Cuba cuandu muera Fidel. Si ay una hartá de disidentis que te lo ehtán contandu y naidi loh ehcucha. Entoncih saldrán tous diciendu que ya lo sabían o mirandu pa otru lau. 
    • – ¿Creis que no sabemus sobrau lo pasau en el 36?. Claru que sí, hombri. Lo que pasa eh que en el afán de hundil a la derecha la coalición de izquielda quiel que le pían perdón. Lo mehmu loh republicanuh catalanih quierin que leh pía perdón el Rey.Imaginati agora que ( de hechu el cocaleru Evo lo a insunuau) Sud-América le pía a Ehtremaura,cuna de conquihtaori, que leh pía perdón por lah matanzah hechah en lah colonizacionih. ¿de que?

    A quien verdaderamenti le hacía yo peíl perdón  era al dotol Llamazares pol abelsi calgau a loh comunihta y abel humillau al partíu bailánduli al son de ZP. 

    Buenu compañeru comu pol mi palti consieru que pocu máh poemuh sacarli al tema ehta ba a sel la mi última aportación a ehti hilu. Ehtaré encantau de debatil nuebamenti contigu y de consideral tu criteriu en culaquiel otru hilu abiertu.  

    Fueraparti yo tengu que decilti que eris un bribón mu listu. Bien sabih comu tienih que jacel.Un correu un nick, dos correus……….. Un abrazu. 

    #102890
    cañita
    Participante

    Guevara no sabis ni de lo que hablas, te inventas unas tonterias y echas unas mentiras que no te las creis ni tu, y lo peol es que no eris conscienti del dañu que estas jadiendu.

    Ahora resulta que los atentaus del 11M se estaban preparandu de antis de la guerra de Iraq, pol los que quierin recuperal Al Andalus, y la chusma a puntu de linchal a los del PP que estaban en la sede de Genova aquella nochi.

Viendo 12 entradas - de la 16 a la 27 (de un total de 27)
  • Debes estar registrado para responder a este debate.

Mantente siempre al día con las últimas novedades de Garrovillas de Alconétar y accede al catálogo completo de fotografías en Alkonetara.

¡Explora, conecta y disfruta de nuestra rica historia visual!