Inicio » Generales » La Laguna

Brancu i rosa

Garrovillas de Alconétar Foros Generales La Laguna Brancu i rosa

Viendo 1 publicación (de un total de 1)
  • Autor
    Publicaciones
  • #34804
    cesar
    Jefe de claves

    Alas vezis la naturaleza se hazi fiesta i la fiesta, coltura. No sabemus en verdá quál sea el origin de muchas celebracionis popularis en Estremaúra, peru poemus delibral i concluíl que la huerça d’ellas dimanan del campu, del añu i delos tiempus. Las más antiguas, milenarias que siguin téntigas en un haci de puebrus estremeñus i las que se perdierun pola emigración, el desganu, la censura i otras causas tienin que vel cona cogía del frutu, los ciclus naturalis, las oras de lus o de escuridá por muchu que estén bernizás pola religión o por costumbris más modernas. Enos tiempus rezientis poemus comproval velaquí que assina aconteci con fiestas que, praneás por ayuntamientus, universidais popularis o mancomunidá, vienin a paral alo mesmu. Ansí vemus que es motivu de celebramientu que los arvus afroreçan ca añu porque train enos coloris i enos goloris dela frol la esperança dun frutu que sedrá el pan de muchas familias. Pal Xerti, los cerezus, pa Garrovillas d’Alconeta, los almendrus i pa Val-dela-Calçá los cirgüelus, nactarinus, malacotonerus, peralis i mançanus. En el valli de Xerti i mesmu enas vegas de Guadiana, el arvu frutal trai vida i esti domingu passau puímus amás sentil essa vida con música, dança, lengua i artesanía. Val-dela-Calçá celebró el V festival de música tradicional en el bastiol dela primavera branca i rosa dela vega. Estuvun a tocal i bailal Las Llares, La Antigua, La Besana, Savia Viva, El Castellar i los vareñus Araval, mentris que el OSCEC los presentava en estremeñu. [wv04]Los tamborilerus dela associación Santiago Béjar guiarun el passacallis polos barrius adornaus del puebru i ena praça artesanus dendi los sus estalachis ofrecían los sus produtus líquiamenti dela tierra i delas manus d’ellus. Quandu aconllegan la naturaleza, la música, l’artesanía i la lengua naci la coltura i brota la tradición.

    fuente http://www.elperiodicoextremadura.com/noticias/extremadura/brancu-i-rosa_792875.html

Viendo 1 publicación (de un total de 1)
  • Debes estar registrado para responder a este debate.