Analisis electoralis

Lo que mas m’ha llamau latencion de los resultaus eletoralis ha siu el vel a un tiinu mediu llorandu diciendu que se iba. Que dejaba el su grupu políticu.

Ahora, dih que no se puein decil tacus en los forus, peru ponerus en el ponel que vien el tontu de la obra conduciendu la Cartepillar , con la pala retractil levantá y dejechu pa la tu casa. Y tú con el alma en vilu….. Y zas, la deja cael y te jundi el tejau. Que menus que gritali “ que mas jechu SO CABRON.

Pos lo mehmu le digu yo al Llamazares. Despueh que sa cargau el partiu, despueh que mos ha llevau al Grupu Mistu, se pon a lloral comu lo que eh.
Y mira que se veía venil. Que los comunistas nunca han jechu buena junta con los socialistas. Que ya desdi la guerra civil mos dejarun en el frenti y ellus juyerun comu ratas.

El Anguita jidu tou lo posibli pol que se notaran las diferencias dambus partíus y luchó pol tenel marca propia para que esti se venda de la folma que sa vendíu.

¿Cuandu la jechu oposición en el Congresu al Psoe? Nunca. De tal jolma que a lo chito queu le han iu chupandu al electorau y asina le ha luciu el pelu.

De toas jolmas el cutau, diju algu que tenía razón: Se tien que cambial esti sistema eletoral. No puei sel que IU haya sacau el 3.8% de los votus y se quei con 2 diputaus, mientras que el PNV con el 1.2% o ERC con el 1.17% saquin 6 y 3 diputaus respectivamenti.
Señoris, que son unas generalis y esu no puei sel. Que están discriminandu a los ciudadanus jadiendu que tous los votus no tengan el mehmu valol.

Esu quea aquí comu ejemplu de comu un inutil se puei calgal un partiu en el su afán de no dejal la poltrona, y con la mehmas digu al PSOE que se andin con cuidiau, que el monchito de la ceja les jundi el partíu en la prosima legislatura y aluego acabarán votando a la extrema derecha comu está pasando en tous los paises de la antigua europa.
Y si quereis otru ejemplu el que esta dandu el otru monchi del pueblu.

Ahí queais camaradas.