Inicio » Al-konetara

7º aniversario de www.alkonetara.org

Posi ca pasau el tiempu, sieti añus ja ya que Uvi y su muchichinu se embalcarun en ehta aventura. Me paji que fue ayel cuandu se me presento en la lancha del bar flores y me diju… -¡Oyi kupiu! ¿no me conocis? soy wifredo unu de los que fundo el periodicu Alconétar, os he mandau un articulu pa conmemoral los 200 numerus, pol aquel entoncis yo ehtaba metiu de llenu casi solinu jadiendu el periodicu. – ¡A tu eris!, le conteste, pos ma gustau muchu lo que has escritu, a queau mu bonitu.

Pol aquel entoncis ya me estubu palrandu sobri el proyectu que tenia sobri una pagina web que queria lleval paanti con toas las fotos de su padri, me quee un pocu bolau polque la obra era importanti y la velda que no le jidi muchu casu ya que me parecia imposibli.

Aluegu recluto a perry, trabajadol incansabli, que se dio la tupa pa jadel de aquella pagina que daba en color negru, juera lo mah actual y coloria, con sus noticias y retratus de cada momentu aconteciu.

Yo me incolpore quiza dos añus dehpue de tou ehtu, aunque no dejaba de ojeal y palticipal en el minichat o en los forus. Lalga vida a alkonetara.org.